Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Buqtyrmadaǵy kópir qurylysy qalaı júrip jatyr

2021 jyldyń 27 jeltoqsan 2021 14:41

ÓSKEMEN. QazAqparat – Shyǵys Qazaqstan oblysynda Buqtyrma sý qoımasy arqyly ótetin kópir qurylysy júrgizilip jatyr, dep habarlaıdy QazAqparat tilshisi.

Prezıdent Qasym-Jomart Toqaevtyń tapsyrmasymen Shyǵys Qazaqstandaǵy Kúrshim men Kókpekti aýdandaryn jalǵaıtyn «Qyzyl tý» ótkeline kópir salynatyny belgili.

Negizgi kópirdi salýǵa qajetti ýaqytsha kópirdiń qurylysy da qolǵa alynǵan.

«Búginde ýaqytsha kópirdiń sýdaǵy 124 metrine temir tireýler qaǵylyp, ústi beton konstrýktsııamen jabyldy. Sýǵa jasandy araldar jasalyp, aýyr tehnıalardyń júrýine joldar salynýda. Eki jolaqty avtokólik kópiriniń uzyndyǵy – 1316 metr, eni – 12,2 metr bolady dep josparlanǵan», - dep habarlady Kúrshim aýdanynyń ákimdigi.




Kópir Buqtyrma sý qoımasynyń eni eń tar ýchaskesindegi Quıǵan aýylynyń tusynan ótedi.

Búgingi tańda aınalma jol, geodezııalyq jáne elektr jelilerin tartý boıynsha daıyndyq jumystary aıaqtalǵan.

Jeltoqsan aıynan bastap ýaqytsha kópir men negizgi kópirdiń qurylysy birge júrgizilýde.

Sol jerde vahtalyq ádispen 50 adam eńbek etedi.

Jumysshylar úshin 250 oryndy jataqhana qalashyǵy salyndy.








Joǵary qaraı