Aýa raıy
Astana 30 °S
Almaty 36 °S
valıýta baǵamy
USD 412.55
EUR 468.66
RUB 5.79
CNY 58.80

Bul qıyndyqty birlesken is-áreketimizben jeńetin bolamyz  - Jumabaı Jaqyp

2020 jyldyń 13 shilde 2020 15:41

QYZYLORDA. QazAqparat - Qaterli indettiń taralýynyń aldyn alý maqsatynda karantın rejıminiń talaptaryn óte muqııat oryndaýymyz qajet. Halyqaralyq «Qazaq tili qoǵamy» birlestiginiń Aral aýdandyq fılıalynyń tóraǵasy, aqyn Jumabaı Jaqyp osyndaı pikir bildirdi, dep habarlaıdy QazAqparat tilshisi.

Onyń aıtýynsha, búginde álemdik pandemııanyń taralý qarqyny báseńdemeı otyr. Bizdiń eldegi jaǵdaı da ońaı bolyp turǵan joq. Biz qazir asa qajettilikke sáıkes engizilgen karantın rejıminiń talaptaryn óte muqııat oryndaýymyz qajet.

«Qabyldanǵan saqtyq sharalary men medıtsına qyzmetkerleriniń arqasynda emdelip shyǵyp jatqan azamattardyń sany kóbeıip keledi. Degenmen, bul indettiń saldarynan qanshama atpal azamattarymyzdan, turǵyndar jaqyn-jýyqtarynan aıyrylýda. Prezıdent Qasym-Jomart Toqaev elimizde qalyptasqan ahýalǵa baılanysty jarııalaǵan 13 shilde -Ulttyq aza tutý kúninde barsha qazaqstandyqtar qaterli indetten kóz jumǵan barlyq jaqyndaryn kúrsine eske aldy dep sanaımyn. Men dertten kóz jumǵan barlyq azamattardyń jaqyn-jýyqtaryna, aǵaıyn-týystaryna qaıǵyra kóńil aıtamyn. Halqymyz aman, jan-jaǵymyz túgel, jaqyndarymyz árdaıym janymyzda bolsyn. Endi tarıhymyzda mundaı qaraly kún oryn almasyn dep tileımin. Birlesken is-áreketimizben bul qıyndyqty jeńetin bolamyz», - dedi ol.

Aıta ketsek, elimizde qalyptasqan ahýalǵa baılanysty halyqqa úndeý jasaǵan QR Prezıdenti Qasym-Jomart Toqaev 13 shildeni – Ulttyq aza tutý kúni dep jarııalaıtyny týraly málim etken bolatyn.


Joǵary qaraı