Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Býrabaıda óńirlerdegi onomastıka problemalaryn sheshý joldary talqylandy

2021 jyldyń 24 qyrkúıek 2021 16:46

KÓKShETAÝ. QazAqparat - Býrabaıda «Óńirlerdegi onomastıka problemalaryn sheshý joldary» taqyrybynda respýblıkalyq dóńgelek ústel ótti.

QR Mádenıet jáne sport mınıstrliginiń Mádenıet komıteti uıymdastyrǵan jıynda onomastıkalyq jumystardy uıymdastyratyn ádistemelik usynymdardy, ózektendirilgen «Tarıhı tulǵalar» tizimin jumys barysynda qatań basshylyqqa ala otyryp qoldaný, sondaı-aq ıdeologııalyq turǵydan eskirgen ataýlary bar eldi mekender men olardyń quramdas bólikterin qaıta ataý jónindegi 2022-2025 jyldarǵa arnalǵan jol kartasyn iske asyrý týraly máseleler qarastyryldy, dep habarlaıdy QazAqparat tilshisi.

Semınardy QR Mádenıet jáne sport mınıstrligi Mádenıet komıtetiniń tóraǵasy Aqan Ábdýálıev ashyp, júrgizip otyrdy. Jıynda onomastıka salasyn retteıtin normatıvtik quqyqtyq aktiler túsindirildi.




Jıynǵa Aqmola oblysy ákiminiń orynbasary Aına Mysyrálimova, Nur-Sultan qalasy, Aqmola, Qaraǵandy, Qostanaı, Pavlodar, Soltústik Qazaqstan oblystaryndaǵy tilderdi damytý, ishki saıasat jáne mádenıet basqarmalarynyń ókilderi qatysty.

«Aqmola oblysynda mundaı respýblıkalyq sharany uıymdastyrýdyń mańyzy zor. Bıylǵy jyl qazaq halqy úshin erekshe. Táýelsizdikke qol jetkizgen jáne erkin elge aınalǵan halqymyzdyń ǵasyrlar boıǵy armany oryndalǵanyna 30 jyl ótti. Bul bizdiń egemen elimiz úshin tarıhı kezeń. Jer, sý attary mańyzdy zertteýlerdi qajet etedi», - dedi Aına Mysyrálimova.

2018 jyldan bastap 1000-ǵa jýyq kóshe men 30-dan astam eldi meken qaıta ataldy, al kóptegen nysandar halqymyzdyń maqtan tutar azamattarynyń esimimen ataldy. Mundaı ıgi ister bolashaqta da jalǵasatyn bolady.

Bıyl 30-dan astam memlekettik qurylymdy qaıta ataý josparlanýda.


Avtor Aslan Ospanov
Basty sózder: Onomastıka, Aqmola oblysy,
Joǵary qaraı