Aýa raıy
Astana 7 °S
Almaty 5 °S
valıýta baǵamy
USD 421.58
EUR 496.83
RUB 5.53
CNY 62.20

Burshaq, jaýyn, jel – jumaǵa arnalǵan aýa raıy

2020 jyldyń 18 qyrkúıek 2020 00:35

NUR-SULTAN. QazAqparat – Qazgıdromet 18 qyrkúıekke arnalǵan aýa raıy boljamyn jarııalaıdy, dep habarlaıdy QazAqparat.

Qazaqstannyń basym bólindegi aýa raıyna Kar teńizi aımaǵynan keletin tsıklon yqpal etedi. Keı jerlerde jańbyr jaýady, shyǵys jáne ońtústik-shyǵysta naızaǵaı oınap, soltústikte burshaq jaýýy múmkin. Elimizdiń batysynda jaýyn-shashynsyz aýa raıy saqtalady.

Respýblıka boıynsha keı jerlerde tuman saqtalady, ońtústik-batysta jeldiń kúsheıýi shańdy daýylmen kútiledi.

Pavlodar, Shyǵys Qazaqstan, Soltústik Qazaqstan oblystarynda jeldiń kúsheıýi 15-20 m/s saqtalady, ekpini 25 m/s, keı jerlerde naızaǵaı kútiledi.

Aqmola oblysynyń keı jerlerinde jeldiń kúsheıýi 15-20 m/s saqtalady, túnde jáne tańerten ekpini 23 m/s, túnde jáne tańerten tuman kútiledi, keı jerlerle burshaq jaýýy yqtımal.

Qaraǵandy oblysynda keı jerlerde jeldiń kúsheıýi 15-20 m/s saqtalady, túnde ekpini 23 m/s, keı jerlerinde tuman kútiledi.

Qostanaı oblysynyń keı jerlerinde tuman saqtalady, jel 15-20 m/s kúsheıedi. Kúndiz Manǵystaý, túnde Túrkistan oblystarynyń keı jerlerinde jeldiń kúsheıýi 15-20 m/s jáne shańdy daýyl saqtalady. Batys Qazaqstan oblysynyń keı jerlerinde tuman kútiledi. Almaty, Jambyl oblystarynyń keı jerlerinde naızaǵaı kútiledi, jel 15-22 m/s kúsheıedi.

Qyzylorda oblysynyń basym bóliginde, Jambyl, Túrkistan oblystarynda, Qaraǵandy, Almaty oblystarynyń keı jerlerinde, Aqtóbe oblysynyń shyǵysynda tótenshe órt qaýipi saqtalady.


Basty sózder: Aýa raıy, Qazgıdromet,
Joǵary qaraı