Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Burshaq jaýyp, úsik júredi – 13 óńirde eskertý jarııalandy

2022 jyldyń 27 mamyr 2022 19:31

NUR-SULTAN. QazAqparat – «Qazgıdromet» RMK 28 mamyrda aýa raıynyń buzylýyna baılanysty birneshe óńirde eskertý jarııalady, dep habarlaıdy QazAqparat.

Atap aıtqanda, kúndiz Almaty oblysynyń ońtústiginde, taý etegindegi aýdandarda qatty jańbyr, naızaǵaı, burshaq, daýyl kútiledi. Batystan, soltústik-batystan jel soǵady. Ekpini ekpini 24-29 m/s jetýi yqtımal.

Almaty qalasynda keshke qatty jańbyr jaýady. Keı ýaqytta naızaǵaı oınap, burshaq túsedi. Tańerteń jáne kúndiz jeldiń kúshi 25 m/s artady.

Túnde Túrkistan oblysynda taý etegindegi aýdandarda qatty jańbyr boljanady. Óńirdiń ońtústiginde, taýly jáne taý bókterli aýdandarda naızaǵaı, burshaq, daýyl kútiledi. Soltústik-batystan jel soǵady, túnde ekpini 25 m/s jetedi.

Shymkent qalasynda túnde qatty jańbyr kútiledi. Keı ýaqytta naızaǵaı oınap, daýyl turady. Soltústik-batystan jel soǵady, ekpini 15-20 m/s quraıdy.

Aqmola oblysynyń shyǵysynda naızaǵaı oınap, soltústik-batystan jel soǵady, túnde óńirdiń shyǵysynda, kúndiz batysynda jyldamdyǵy 15-20 m/s artady.

Túnde Qyzylorda oblysynyń shyǵysynda naızaǵaı kútiledi. Jel soltústik-batystan soǵady, oblystyń ortalyǵynda, shyǵysynda kúshi 15-20 m/s quraıdy. Óńirdiń ortalyǵynda tótenshe órt qaýpi saqtalady.

Túnde Batys Qazaqstan oblysynyń soltústik bóliginde, shyǵysynda, kúndiz soltústik-shyǵysynda naızaǵaı, burshaq boljanady. Jel ońtústik-batystan soǵady, kúndiz ekpini 15-20 m/s artady.

Kúndiz Pavlodar oblysynyń ońtústiginde naızaǵaı, burshaq, daýyl kútiledi. Soltústik-batystan jel soǵady, kúndiz óńirdiń ońtústiginde, ekpini 15-20 m/s jetedi. Oblystyń ońtústiginde tótenshe órt qaýpi saqtalady.

Kúndiz Qostanaı oblysynyń soltústiginde, batysynda naızaǵaı, burshaq boljanady. Túnde jáne tańerteń óńirdiń batysynda tuman bolady. Ońtústik-batystan jel soǵady, kúndiz óńirdiń soltústiginde, batysynda jyldamdyǵy 15-20 m/s artady. Túnde oblystyń batysynda topyraq betinde 2 gradýs úsik kútiledi.

Aqtóbe oblysynda ońtústik-batystan, batystan jel soǵady. Kúndiz óńirdiń soltústiginde ekpini 18 m/s artady.

Kúndiz Shyǵys Qazaqstan oblysynyń batysynda naızaǵaı oınap, 15-20 m/s kúshpen jel soǵady. Jarma, Katonqaraǵaı aýdanynda tótenshe órt qaýpi saqtalady.

Qaraǵandy oblysynyń ortalyǵynda, shyǵysynda qatty jańbyr, naızaǵaı, burshaq, daýyl kútiledi. Soltústik-batystan jel soǵady, oblystyń ortalyǵynda, shyǵysynda ekpini 23-28 m/s jetýi yqtımal.

Kúndiz Soltústik Qazaqstan oblysynyń batysynda naızaǵaı oınap, túnde jáne tańerteń soltústik-batysta tuman kútiledi. Jeldiń ekpini 15-20 m/s artady. Túnde oblystyń batysynda 2 gradýs úsik júredi.


Basty sózder: Aýa raıy, Qazgıdromet,
Joǵary qaraı