Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Burynǵy áıeliniń mazasyn alǵany úshin 300 saǵattyq qoǵamdyq jumysqa jegildi – ShQO

2021 jyldyń 23 qańtar 2021 20:43

ÓSKEMEN. QazAqparat - Óskemen qalasynyń turǵyny burynǵy áıeline baryp mazasyn alǵany úshin 300 saǵat qoǵamdyq jumysqa tartyldy, dep habarlaıdy QazAqparat ShQO boıynsha qylmystyq-atqarý júıesi departamentiniń baspasóz qyzmetine silteme jasap.

Ol birneshe ret burynǵy áıeliniń mazasyn alǵan. Bul joly mas kúıinde túnde onyń úıine baryp, sóılespekshi bolǵan, alaıda áıel syrtqa shyqpaǵan. Ashý býǵan er adam terezeni syndyryp, úıine kirgen. Zańsyz áreketi úshin ol 300 saǵattyq qoǵamdyq jumysqa jegildi.

«Probatsııa qyzmetiniń esebinde turǵan azamat qoǵamdyq oryndarda qar kúrep, qoqys jınaýǵa jiberildi. Kúnine tórt saǵat jumys atqaryp jatyr. Sottalǵannyń atqarǵan jumysy men minez-qulqy turaqty baqylaýda», - dedi ShQO boıynsha QAJD Soljaǵalaý aýdandyq probatsııa qyzmetiniń qyzmetkeri, ádilet maıory Serik Bekboldanov.

Eger qoǵamdyq jumysty oryndaýdan bas tartqan jaǵdaıda qamaýǵa alynady.


Joǵary qaraı