Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Burynǵy Premer-Mınıstr Serik Ahmetov bostandyqqa shyqty

2021 jyldyń 20 qyrkúıek 2021 13:16

NUR-SULTAN. QazAqparat – QR Qylmystyq atqarý júıesi komıtetiniń baspasóz qyzmeti Qazaqstannyń burynǵy Premer-Mınıstri Serik Ahmetovtiń probatsııa esebinen shyǵarylǵanyn rastady, dep habarlaıdy QazAqparat tilshisi.

«2021 jylǵy 1 qyrkúıekte S. N.Ahmetov sottalý merzimin óteýine baılanysty jazanyń negizgi túri boıynsha probatsııa esebinen shyǵaryldy.

Qazirgi ýaqytta belgili bir laýazymdardy atqarýǵa tyıym salý túrindegi qosymsha jaza boıynsha Qazybek bı aýdanynyń probatsııa qyzmetinde esepte tur», - dedi komıtettiń baspasóz qyzmeti.

Eske sala keteıik, 2015 jyly jeltoqsan aıynda Qaraǵandy oblysynyń qylmystyq ister jónindegi mamandandyrylǵan aýdanaralyq soty burynǵy Premer-Mınıstr S. Ahmetov pen basqa da laýazymdy tulǵalarǵa qatysty is boıynsha úkimi shyǵardy. Atalmysh is boıynsha 7 túrli epızodqa sáıkes barlyǵy 21 adam aıyptalǵan bolatyn.

Sot talqylaýy 2015 jylǵy 10 tamyzda bastalyp, tórt aıǵa sozyldy. Sot tergeýi men sot jaryssózderi 2015 jylǵy 9 jeltoqsanda aıaqtaldy. Qaraǵandy oblystyq sotynyń qylmystyq ister boıynsha apellıatsııalyq soty 2016 jyldyń 14 naýryzda jemqorlyq qylmystyq iske qatysty sotty bolǵan 11 adamnyń jazasyn jeńildetti. Sonyń ishinde Serik Ahmetovtiń jazasy 10 jyldan 8 jylǵa deıin azaıtyldy.



Basty sózder: QR ІІM, Qoǵam, Sot,
Joǵary qaraı