Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

BUU Aýǵanstan kómek kórsetý úshin Almatyda gýmanıtarlyq hab qurýdy qoldady

2021 jyldyń 20 qyrkúıek 2021 19:54

NUR-SULTAN. QazAqparat – QR Syrtqy ister mınıstrligi Aýǵanstanǵa kómek kórsetý úshin Almaty qalasynda halyqaralyq hab qurý múmkindigi týraly máselege túsinikteme berdi, dep habarlaıdy QazAqparat tilshisi.

«Aýǵanstanǵa kómek, eń aldymen azyq-túlik jetkizý úshin BUU-nyń halyqaralyq logıstıkalyq habi retinde Almatyny qoldaný ıdeıasy atalǵan eldegi gýmanıtarlyq apattyń aldyn alýdaǵy álemdik qoǵamdastyqtyń kúsh-jigerine is júzinde járdem kórsetýge baǵyttalǵan. Qazaqstan bastamasy BUU-nyń resmı ókilderi tarapynan aldyn ala oń reaktsııa aldy. Egjeı-tegjeıin talqylaý ony barlyq múddeli taraptarmen keliskennen keıin ǵana oryndy», - dep atap ótedi mınıstrlik BAQ ókilderiniń resmı saýalyna oraı.

QR Syrtqy ister mınıstrliginiń atap ótýinshe, Aýǵanstanǵa járdem kórsetý jónindegi BUU mıssııasynyń Qazaqstannyń ońtústik astanasynda ornalasýy atalǵan elge kómek kórsetý úshin Almaty qalasynda halyqaralyq hab qurý bastamasynyń júzege asyrylýyna mańyzdy dáleli bolyp otyr. Ol Aýǵanstanǵa halyqaralyq kómekti úılestirýshi ortalyqqa aınala alady. Sol arqyly Aýǵanstan ekonomıkasy kúıreýiniń aldyn alýǵa, bosqyndar leginiń artýyna jol bermeýge, ózge de gýmanıtarlyq sıpattaǵy saldardy boldyrmaýǵa sep bolady.

«Kólik logıstıkasy turǵysynan Almatynyń qolaıly ornalasýy (Kabýldan ushaqpen 3 saǵattyq jer) jáne tranzıt habyn uıymdastyrý úshin qajetti ıfraqurylymynyń bolýyn da mańyzdy faktor sanaımyz. Sonymen qatar Qazaqstan aýyl sharýashylyǵy ónimderi, onyń ishinde astyq pen un syndy azyq-túlik kómegin jetkizýshi de bola alady. Tıisti ýaǵdalastyqqa qol jetkizilgen jaǵdaıda Aýǵanstanǵa júk tasymaldaý úshin áýe kemeleriniń kirepuly máselesi BUU quziretinde qalady», - dedi vedomstvodan.


Joǵary qaraı