Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

BUU Qaýipsizdik keńesiniń Izraıl men Palestına boıynsha ashyq otyrysy 16 mamyrǵa josparlandy

2021 jyldyń 14 mamyr 2021 14:31

TELЬ-AVIV. QazAqparat – Birikken Ulttar uıymynyń Qaýipsizdik keńesi Izraıl jáne Palestına arasyndaǵy jaǵdaıdyń shıelenisýine baılanysty jeksenbi, 16 mamyr kúni ashyq otyrysyn ótkizedi, dep habarlaıdy QazAqparat Reuters aqparattyq agenttigine silteme jasap.

Izraıldik taraptyń dúısenbiden beri Gaza sektoryna jasaǵan soqqylarynyń saldarynan 109 adam (sonyń ishinde 28 bala men kem degende 11 áıel) qaza taýyp, 580 adam túrli jaraqattar aldy, dep jazdy Aljazeera.

Izraıl armııasynyń málimdemesine sáıkes, áskerı is-qımyldar bastalǵaly Izraıldiń jeti turǵyny qaza tapqan. Taǵy bes ızraıldik azamat Palestına tarapynan Tel-Avıv qalasyna jaqyn ornalasqan ǵımaratqa jibergen zymyran soqqysynan mert bolǵan.

Izraıldiń beısenbi kúni Gaza sektorynyń janynda qosymsha sarbazdar men tankterdi toptastyrǵany jáne taǵy 9000 rezervtegi áskerdi jumyldyrýdy bekitkeni aıtylady.

BUU Bas hatshysy Antonıý Gýterrısh Gaza sektorynyń azamattyq aýdandarynyń Izraıldiń eldi mekenderine tıgizgen zymyran soqqylaryna syn aıtyp, Izraıldi «maksımaldy ustamdylyq» saqtaýǵa shaqyrdy.

Reuters málimetinshe, BUU Qaýipsizdik keńesiniń Izraıl jáne Palestına boıynsha ashyq keńesi 16 mamyr, jeksenbi kúnine josparlandy.

AQSh memlekettik hatshysy Entonı Blınken Vashıngtonnyń ashyq jáne BUU-men ashyq kelissózderdi tolyq qoldap otyrǵanyn rastaǵany habarlanyp otyr.


Basty sózder: BUU, Taıaý Shyǵystaǵy ahýal,
Joǵary qaraı