Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

BUU natsızmdi jeńý kúnin atap ótip, Ekinshi dúnıejúzilik soǵysta qaza tapqandardy eske alýda

2021 jyldyń 9 mamyr 2021 12:16

NUR-SULTAN. QazAqparat – 8-9 mamyrdy BUU-da Ekinshi dúnıejúzilik soǵysta qaza tapqandardy eske alý jáne tatýlasý kúni retinde atap ótýde. Bul kúnder soǵystyń qandaı zardap ákeletinin eske salyp, máselelerdi áskerı jolmen sheshý áreketterinen saqtaıdy, dep habarlaıdy QazAqparat BUU Jańalyqtar saıtyna silteme jasap.

Ekinshi dúnıejúzilik soǵys «adamzatqa teńdessiz aýyrtpalyq ákeldi, ásirese Eýropa, Azııa, Afrıka, Tynyq muhıty jáne álemniń basqa da óńirleri zardap shekti», - delingen 8 jáne 9 mamyrdy Ekinshi dúnıejúzilik soǵysta qazaq tapqandarǵa arnalǵan eske alý jáne tatýlasý kúni dep belgilegen Bas Assembleıa qararynda.

BUU-na múshe elderdiń fashızmdi jeńý boıynsha óz eske alý kúnderi bar ekenin eskere otyryp, Bas Assambleıa BUU júıesindegi elder, uıymdar men jeke tulǵalarǵa jyl saıyn osy kúnderdiń birin Ekinshi dúnıejúzilik soǵysta qurban bolǵandardy eske alý kúni retinde atap ótýdi usyndy.

«1945 jyldyń mamyrynda fashızm men basqynshylyqty jeńý jańa zamannyń bastalýyn bildirdi, – dep eske saldy BUU Bas hatshysy Antonıý Gýterrısh. – Halyqaralyq yntymaqtastyq pen ortaq adamı qundylyqtardyń asa mańyzdy ekenin uǵyný basty maqsaty aldymyzdaǵy urpaqty soǵys aýyrtpalyǵynan aryltý bolyp belgilengen Birikke Ulttar Uıymyn qurýǵa ákeldi».

Pandemııaǵa baılanysty osydan ekinshi jyl Ekinshi dúnıejúzilik soǵystaǵy jeńiske arnalǵan estelik sharalaryn onlaın ótkizýge týra kelip otyr. Ótken jyly TMD elderiniń dıplomatııalyq mıssııalary Jahandyq kommýnıkatsııa departamenti qoldaýymen áleýmettik jelilerde jeńistiń 75 jyldyǵyna arnalǵan aktsııa ótkizdi.

Osy jyly ortaq joba «Jeńis óneri» dep atalady. Onyń qatysýshylary Twitter men Facebook-ta KSRO respýblıkalary ókilderi – sýretshiler, maıdan aqyndary men jazýshylary, mýzyka jáne teatr ujymdary maıdanda jáne tylda patrıotızm men Jeńiske degen jigerdi qalaı nyǵaıtqanyn aıtady. EDS taqyrybyna soǵys bitkennen keıin de biraz ataqshy shyǵarmalar jazyldy. Jańalyqtar qyzmeti sırek fotolar men vıdeolardy, sonyń ishinde Jeńis Murajaıy qorynan alynǵan materıaldardy qaıta jarııalaıdy.


Basty sózder: Jeńis kúni, BUU, Álem,
Joǵary qaraı