Aýa raıy
Astana -5 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

Bıýdjet qarajatynyń tıimdi jumsalýyn baǵalaıtyn volonterler jelisi qurylady

2020 jyldyń 23 qarasha 2020 13:21

NUR-SULTAN. QazAqparat - «Talap» qoldanbaly zertteýler ortalyǵynyń dırektory Rahym Oshaqbaev «Ashyq bıýdjet» jobasynyń negizgi maqsatyn atady, dep habarlaıdy QazAqparat tilshisi.

«Bıýdjettik júıege qatysty aıtar bolsaq, biz jemqorlyq pen tıimsizdik, transparenttilik pen eseptiliktiń kemshiligi, shekteýli qujat qarajatyn tıimdi jumsaý syndy qubylystardan úlken zardap shegip otyrǵanymyz sózsiz. Bul turǵyda búkil álemde «ashyq bıýdjet» degen túsinik bar. Onyń maqsaty - transparenttilik pen eseptilik. Árıne, joǵary standarttar, damyǵan demokratııa standarttary bar. Degenmen, máselen, Frantsııa syndy demokratııasydaǵyn elde azamattar bıýdjettik júıesiniń qalaı jumys isteıtindigin, onyń tıimdiligin, salyq salýdyń qandaı deńgeıi bar ekendigin, ol halyqtyń ál-aýqatyn arttyrýǵa septigi tıgize alatyndyǵyn bile bermeıdi»,- dedi ol IX Azamattyq forým aıasynda ótip jatqan «Azamattyq qoǵam jemqorlyqqa qarsy» taqyrybyndaǵy alańda.

Onyń atap ótýinshe, Qazaqstannyń da aldynda bul problema ótkir tur.

«Sondyqtan áriptesterimizben bıýdjet ashyqtyǵy men eseptiligi problemasyn kóterip júrmiz. Sybaılas jemqorlyqqa qarsy is-qımyl agenttiginiń arqasynda bul máselege nazar aýdarta aldyq. «Ashyq bıýdjet» jobasyna bastamashylyq jasadyq. Onyń maqsaty - ashyq bıýdjet, eseptilik ustanymdaryn keńinen nasıhattaý jáne azamattyq belsendilerdi qarajattyń jumsalýyn baǵalaýǵa, monıtorıngke jumyldyrý. Qazir aldymyzda bıýdjet qarajaty jumsalýynyń tıimdiligi men transparenttiligin baǵalaý, olardy óńirlik deńgeıde bólý jáne josparlaý múmkindikterin kásibı baǵalaıtyn agenttik (Sybaılas jemqorlyqqa qarsy is-qımyl agenttigi) mamandarynyń, volonterlerdiń óńirlik jelisin qurý mindeti bar», - dedi ortalyq dırektory.


Joǵary qaraı