Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Chempıondar lıgasy: «Bavarııa» qarsylasyn oısyrata jeńip ketti

2021 jyldyń 24 aqpan 2021 09:14

NUR-SULTAN. QazAqparat - Búgin UEFA Chempıondar lıgasy 1/8 fınalynda taǵy eki oıyn ótkiziledi, dep habarlaıdy QazAqparat tilshisi.


Búgingi kezdesýdiń birinde «Latsıo» (Italııa) men «Bavarııa» (Germanııa) komandalary sheberlik baıqasady. Aıta keteıik, nemis klýby byltyr atalǵan týrnırde chempıon atanǵan bolatyn.

Syrt alańda oınaǵanyna qaramastan «Bavarııa» jınaqy qımyl kórsetti. Olardyń sapynan Robert Levandovskı 9, Djamal Mýskala 24, Leroı Zane 42, Franchesko Acherbı 47-mınýttarda mergendik tanytty. Osylaısha ózderiniń basymdyǵyn tórt golǵa arttyrǵan edi. Oǵan «Latsıo» sapynan 49-mınýtta Hoakın Korrea jalǵyz golmen jaýap qaıyrdy.

«Bavarııa» 4:1 esebimen basym tústi.

1/8 fınalynyń taǵy bir oıynynda Anglııanyń «Chelsı» klýby syrt alańda Ispanııanyń «Atletıko Madrıd» komandasyn 1:0 esebimen jeńdi. Kezdesý taǵdyryn sheshken jalǵyz goldy Olıve Jırý 68-mınýtta soqty.

Eki komanda atalǵan týrnırde buǵan deıin 7 ret kezdesken bolatyn. Qarsylastar eki-eki márteden bir-birin qapy qaldyrsa, úsh oıynda teń nátıje tirkelgen edi.

Qarymta oıyndar 17 naýryz kúnderi ótkiziledi.

Aıta keteıik, budan buryn týrnırdiń atalǵan satysynda tórt komanda ózara alǵashqy kezdesýin ótkizip úlgerdi. Máselen, 16 aqpanda syrt alańda «Lıverpýl» «Leıptsıgti» 2:0, «Parı Sen-Jermen» «Barselonany» 4:1 esebimen jeńdi.

Al 17 aqpanda óz alańynda «Portý» «ıÝventýsten» 2:1 esebimen basym tússe, «Sevılıa» «Borýssııa Dortmýnd» klýbyna 2:3 esebimen ese jiberdi.




Avtor Ádiljan Úmbet
Basty sózder: Sport, Álem,
Joǵary qaraı