Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Chempıondar lıgasy: «Real Madrıd» «Atalantaǵa» qarsy oınaıdy

2021 jyldyń 24 aqpan 2021 12:55

NUR-SULTAN. QazAqparat - Búgin, 24 aqpanda sońǵy eki jup UEFA Chempıondar lıgasy 1/8 fınalyndaǵy alǵashqy oıyndaryn ótkizedi, dep habarlaıdy QazAqparat tilshisi.

Alǵashqy jupta Germanııanyń «Borýssııa» (Menhengladbah) jáne Anglııanyń «Manchester Sıtı» komandalary ózara sheberlik baıqasady. Oıyn elorda ýaqytymen 01.50-de bastalyp, «Qazaqstan» telearnasynan tikeleı efırde kórsetiledi.

Eki komanda buǵan deıin atalǵan týrnırde tórt márte kezdesti. Onyń úsheýinde aǵylshyndyq klýb basym tússe, bireýinde teń nátıje tirkeldi.

Komandalar sapynda jaraqat alǵan oıynshylar bar. «Borýssııa» sapynan búgin Famana Kızera, Mamadý Dýkýre, Djozef Skallı búgingi oıynnan shet qalsa, olardyń qataryn «Manchester Sıtı» klýbynan Serhıo Agýero men Natan Ake tolyqtyrdy.

Ekinshi kezdesýde «Atalanta» (Italııa) men «Real Madrıd» (Ispanııa) klýbtary jasyl alańǵa shyǵady. Oıyn elorda ýaqytymen 01.50-de bastalyp, «Qazsport» telearnasynan tikeleı efırde kórsetiledi.

Eki komanda buǵan deıin Chempıondar lıgasynda birde-bir márte kezdesken emes.

Búgingi kezdesýde «Atalantanyń» barlyq oıynshylaryn jasyl alańǵa shyǵarýyna múmkindigi bar. Al «Real Madrıd» klýbynan alǵan jaraqatyna baılanysty Federıko Valverde, Marselo, Eden Azar, Alvaro Odrıosola, Danıel Karvahal, Eder Mılıtao, Serhıo Ramos, Rodrıgo, Karım Benzema, Hesýs Valeho kezdesýdi syrttan tamashalaýǵa májbúr. Ispanııalyq klýb qarsylasyn qapy qaldyra ala ma?

Aıta keteıik, budan buryn týrnırdiń atalǵan satysynda alty jup ózara alǵashqy kezdesýin ótkizip úlgerdi. Máselen, 16 aqpanda syrt alańda «Lıverpýl» «Leıptsıgti» 2:0, «Parı Sen-Jermen» «Barselonany» 4:1 esebimen jeńdi.

Al 17 aqpanda óz alańynda «Portý» «ıÝventýsten» 2:1 esebimen basym tússe, «Sevılıa» «Borýssııa Dortmýnd» klýbyna 2:3 esebimen ese jiberdi.

Sondaı-aq, 23 aqpanda «Bavarııa» (Germanııa) «Latsıo» (Italııa) klýbynan 4:1, Anglııanyń «Chelsı» klýby syrt alańda Ispanııanyń «Atletıko Madrıd» komandasynan 1:0 esebimen basym tústi.


Avtor Ádiljan Úmbet
Basty sózder: Sport,
Joǵary qaraı