Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Chempıondar lıgasy: «Real Madrıd» syrt alańda qarsylasyn jeńip ketti

2021 jyldyń 25 aqpan 2021 09:08

NUR-SULTAN. QazAqparat - 24 aqpanda UEFA Chempıondar lıgasy 1/8 fınalyndaǵy sońǵy eki jup alǵashqy oıyndaryn ótkizdi, dep habarlaıdy QazAqparat tilshisi.

Alǵashqy bolyp Germanııanyń «Borýssııa» (Menhengladbah) jáne Anglııanyń «Manchester Sıtı» komandalary ózara sheberlik baıqasty.

Eki komanda buǵan deıin atalǵan týrnırde tórt márte kezdesti. Onyń úsheýinde aǵylshyndyq klýb basym tússe, bireýinde teń nátıje tirkeldi.

Kezdesý barysynda «Manchester Sıtı» senimdi oıyn kórsetti. Olardyń sapynan Bernardý Sılva 29, Gabrıel Jezýs 65-mınýttarda qos goldyń avtory atandy. Kezdesýde «Manchester Sıtı» qarsylasynan 2:0 esebimen basym tústi.

Taǵy bir jupta «Atalanta» (Italııa) men «Real Madrıd» (Ispanııa) klýbtary jasyl alańǵa shyqty.

Aıta keterligi, eki komanda buǵan deıin Chempıondar lıgasynda birde-bir márte kezdesken emes.

Kezdesý taǵdyryn 86-mınýtta Ferlan Mendı soqqan jalǵyz gol sheshti. Osylaısha ıspanııalyq klýb qarsylasyn 1:0 esebimen tize búktirdi.

Qarymta oıyndar 16 naýryzda bolady.

Aıta keteıik, budan buryn týrnırdiń atalǵan satysynda alty jup ózara alǵashqy kezdesýin ótkizip úlgerdi. Máselen, 16 aqpanda syrt alańda «Lıverpýl» «Leıptsıgti» 2:0, «Parı Sen-Jermen» «Barselonany» 4:1 esebimen jeńdi.

Al 17 aqpanda óz alańynda «Portý» «ıÝventýsten» 2:1 esebimen basym tússe, «Sevılıa» «Borýssııa Dortmýnd» klýbyna 2:3 esebimen ese jiberdi.

Sondaı-aq, 23 aqpanda «Bavarııa» (Germanııa) «Latsıo» (Italııa) klýbynan 4:1 , Anglııanyń «Chelsı» klýby syrt alańda Ispanııanyń «Atletıko Madrıd» komandasynan 1:0 esebimen tize búktirdi



Avtor Ádiljan Úmbet
Basty sózder: Qoǵam, Sport,
Joǵary qaraı