Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Tsıfrlyq maınıng úshin tólemaqy engizildi - QR QM

2022 jyldyń 27 qańtar 2022 11:42

NUR-SULTAN. QazAqparat - Salyq Kodeksine engizilgen ózgeristerge sáıkes 2022 jyldyń 1 qańtarynan bastap tsıfrlyq maınıng úshin tólemaqy engizildi. Bul týraly QazAqparat QR QM Memlekettik kirister komıtetine silteme jasap habarlaıdy.

Tólemaqyny tóleý tártibi Salyq kodeksiniń 69-taraýynyń 11-paragrafymen retteledi.

Tsıfrlyq maınıngti júzege asyratyn tulǵalar tólemaqy tóleýshiler bolyp tabylady jáne tólem qyzmetti júzege asyrý kezinde tutynylǵan elektr energııasynyń naqty kólemi úshin alynady.

Tólemaqy somasy elektr energııasynyń naqty kólemine súıene otyryp esepteledi, tólemaqy stavkasy elektr energııasynyń 1 kılovatt-saǵaty úshin 1 teńge mólsherinde aıqyndalady (kVt/saǵ sany*1 teńge).

«Tólemaqyny esepteý úshin salyq kezeńi - toqsan bolyp tabylady. Tsıfrlyq maınıng úshin aqy tóleý Respýblıkalyq bıýdjetke 105 317 Bıýdjettik synyptama kodyna (BSK) júrgiziledi. Tólemaqy tóleýshiler tólemaqy somasyn bıýdjetke toqsan saıyn esepti toqsannan keıingi aıdyń 20-kúninen keshiktirmeı tóleıdi. Mysaly, 2022 jyldyń birinshi toqsany úshin tólemaqyny 2022 jyldyń 20 sáýirinen keshiktirmeı tóleý qajet», - dep atap ótti QR QM MKK-de.

Tóleýshiler tólemdi tsıfrlyq maınıng qyzmetin júzege asyrý orny boıynsha (tsıfrlyq maınıngke arnalǵan jabdyqty ornalastyrý orny boıynsha) tóleıdi. Bul rette tsıfrlyq maınıng úshin tólem boıynsha salyq eseptiligin tapsyrý Salyq kodeksinde kózdelmegen.


Joǵary qaraı