Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Tsıfrlyq maınıngke salyq júktemesi kúsheıedi – mınıstr

2022 jyldyń 25 mamyr 2022 11:53

NUR-SULTAN. QazAqparat – Tsıfrlyq maınıngke salyq júktemesi kúsheıedi. Bul týraly Májilistiń jalpy otyrysynda Salyq kodeksine ózgerister engizý jónindegi qujatty qaraý kezinde Ulttyq ekonomıka mınıstri Álibek Qýantyrov málim etti, dep habarlaıdy QazAqparat tilshisi.

«Kelesi usynylyp otyrǵan ózgeris – tsıfrlyq maınıngke salyq salýdy kúsheıtý. Bıyldyń basynan bastap tutynylǵan elektr energııasynyń 1 kVt-saǵatyna 1 teńge mólsherinde tsıfrlyq maınıng úshin tólem engizildi. Elektr energııasynyń quny boıynsha júktemeni teńestirý, sondaı-aq otandyq elektr energııasyna qatysty saralanǵan mólsherlemeler usynylady. Elektr energııasynyń quny neǵurlym tómen bolsa, tólem mólsherlemesi soǵurlym joǵary bolady. Bul rette, qaıta qalpyna keletin kózderden ózi óndirgen elektr energııasy úshin qoldanystaǵy deńgeıde tómendetilgen mólsherlemeler qarastyrylǵan», - Álibek Qýantyrov.

Budan buryn atalǵan zań jobasyn birinshi oqylymda talqalaý kezinde elimizde paıdaly qazbalardy óndirý salyǵynyń kólemi artatyny aıtyldy.


Joǵary qaraı