Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

CQO-da 93 jastaǵy eńbek ardageri koronavırýsqa qarsy vaktsına aldy

2021 jyldyń 23 maýsym 2021 12:38

PETROPAVL. QazAqparat – Soltústik Qazaqstan oblysynda 93 jastaǵy eńbek ardageri ekpe pýnktine kelip, koronavırýsqa qarsy vaktsına aldy, dep habarlaıdy QazAqparat tilshisi.

SQO densaýlyq saqtaý basqarmasy baspasóz qyzmetiniń málimetinshe, Qyzyljar aýdany Peterfeld aýylynyń 93 jastaǵy turǵyny koronavırýs ınfektsııasyna qarsy vaktsına aldy.

Ánýarbek Jaqypov 1928 jyly týǵan. Eńbek ardageri densaýlyǵyn oılap, ári basqalarǵa úlgi bolý úshin ekpe pýnktine ózi kelipti. Qarııaǵa «Hayat-Vax» vaktsınasy egildi.

«Aǵaıyndar, vaktsına alýdan qoryqpańyzdar. Densaýlyq – zor baılyq. Ýkoldan qorqýǵa bolmaıdy. Kelińizder, egilińizder! Bala-shaǵamyz aman bolsyn», - deıdi ekpe alǵan qarııa.

Vaktsına alǵan Ánýarbek Jaqypov ózin jaqsy sezinetinin aıtady.

Buǵan deıin SQO-da Uly Otan soǵysy ardageriniń koronavırýsqa qarsy ekpe alǵanyn habarlaǵan edik.

Jalpy SQO-da vaktsınanyń 1-shi komponentin 90 816 adam alsa, tolyq vaktsınatsııadan ótkenderdiń sany - 62431 adam.



Joǵary qaraı