Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

CQO-da eki jasóspirim nashaqor retinde tirkeýde tur

2021 jyldyń 23 maýsym 2021 02:48

PETROPAVL. QazAqparat – Soltústik Qazaqstan oblysynda esirtkige táýeldi 588 adam esepte tursa, sonyń ekeýi - jasóspirim, - dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, oblysta nashaqorlyqtyń aldyn alýǵa arnalǵan #senińtańdaýyn2021 chellendji ótip jatyr. Bul - esirtki qylmysyna qarsy is-qımyl basqarmasy qyzmetkerleriniń bastamasy. Oǵan sporttyq, mýzykalyq ujymdar qatysyp jatyr. Nátıjesinde, esirtki qylmysyna qarsy is-qımyl basqarmasynyń pablıginde 30-dan astam rolık jarııalandy.

«Chellendj nátıjesi boıynsha jeńimpaz anyqtalady, ol baǵaly syılyqpen, qalǵan qatysýshylar dıplomdarmen marapattalady. Marapattaý rásimi 26 maýsymda - Halyqaralyq nashaqorlyqpen kúres kúni ótedi. Chellendjdi ótkizýdegi maqsat – nashaqorlyqtyń aldyn alý. Jyl basynan qyzmetkerler 130-dan astam túrli is-shara: dárister, kezdesýler, semınarlar ótkizdi, basym bóligi onlaın rejımde uıymdastyryldy. Volonterlermen birge úsh ret jarnamalardy boıaýǵa shyqtyq, 86 jazba óshirildi», - deıdi SQO polıtsııa departamenti esirtki qylmysyna qarsy is-qımyl basqarmasynyń bastyǵy Jandos Basybaev.

SQO-da úsh jyl buryn polıtseıler «Tuz ben spaıstar: keri qaıtar jol joq» fılmin túsirdi. Bul fılm jeli qoldanýshylarynyń qyzyǵýshylyǵyn týdyryp, sıntetıkalyq esirtkiler týraly málimet beretin birden-bir derekkózge aınaldy. Odan beri jaǵdaı ózgerdi: zańnamaǵa sıntetıkalyq esirtkimen tıimdi kúresýge múmkindik beretin ózgerister engizildi, endi esirtki jasyratyndarǵa da, esirtki jarnamalaıtyn adamdarǵa da qatań sharalar qoldanylady. Bul týraly jáne taǵy kóptegen jaıttar jóninde polıtseılerdiń bastamasymen túsirilip jatqan fılmniń ekinshi bóliminde jaqynda kórýge bolady.

Búginde SQO-da 588 esirtkige táýeldi adam esepte tur, onyń 2-ýi jasóspirim.

Jyl basynan óńirde zańsyz aınalymnan 119 kg astam túrli esirtki zaty alyndy, onyń 4,7 kg sıntetıkalyq esirtki.

Joǵary qaraı