Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

CQO-da sottalǵandar arasynda 10 neke qıyldy

2021 jyldyń 16 maýsym 2021 07:39

PETROPAVL. QazAqparat – Soltústik Qazaqstan oblysynda jazasyn ótep jatqandar arasynda bıyl 10 neke zańdastyryldy, dep habarlaıdy QazAqparat tilshisi.

SQO boıynsha qylmystyq atqarý júıesi departamenti baspasóz qyzmetiniń málimetinshe, b as bostandyǵynan aıyrý oryndarynda nekege otyrý kezdesip turady. Kóptegen túzetý mekemeleri tipti nekeni zańdastyrýdy qup kóredi. Óıtkeni onyń oń jaqtary kóp. Úılengenderdi tártipti bolyp, merziminen buryn tezirek bosap shyǵýǵa yntalandyrady. Sottalǵandar qoǵamdyq ómirge belsendi qatysa bastaıdy, olardyń minez-qulqy jaqsarady.

«Kolonııada úılengen sottalýshynyń bosatylǵannan keıingi taǵdyry onyń qandaı ortaǵa túsetinine baılanysty. Jalpy sottalǵandar nekege negizinen jaqyn adamdarymen kezdesýge ruqsat alý úshin úılenedi. Qalyńdyqtardyń sottalýshyǵa kúıeýge shyǵýynyń bir sebebi - azamattyq nekedegi jáne resmı úılengenderdiń quqyqtaryndaǵy aıyrmashylyq. Birinshi jaǵdaıda mekeme qyzmetkerleriniń qatysýymen qysqa merzimdi kezdesýlerge, al úılengen jaǵdaıda uzaq merzimdi kezdesýlerge quqyly. Arnaıy bólmede úsh kún turýǵa bolady», - deıdi «ES-164/9 mekemesi» RMM aǵa ınspektory Olga Rogacheva.

Túzetý mekemesi qyzmetkeriniń aıtýynsha, sottalǵandar juptaryn hat arqyly tabady nemese bostandyqta júrgende kezdesip, biraq otbasyn quryp úlgermegenderine úılenedi. Sondaı-aq jazasyn eń tómengi qaýipsizdik mekemesinde ótep júrip bir-birin tapqandar da bar.

«Qaýipsizdigi barynsha tómen mekeme bolyp tabylatyn SQO boıynsha QAJD «ES-164/9 mekemesi» RMM-de bıyl eki neke qıyldy. Aqpan aıynda Dınara men Sábıt úılendi. Ekeýi de bizdiń mekemeniń sottalýshylary. Olar osynda kezdesti, bir-birin unatty. Al mamyr aıynda Natalıa men Rýslan otbasyn qurdy. Nekeni tirkeý sottalǵandardyń minez-qulqyna oń áser etedi. Olardyń ortaq maqsattary, josparlary paıda bolady», - deıdi Olga Rogacheva.

Jalpy bıyl SQO-da jazasyn ótep jatqandar arasynda 10 neke zańdastyryldy.


Joǵary qaraı