Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

CQO-nyń ormandy alqaptaryna bıyl 2,5 mln kóshet otyrǵyzyldy

2021 jyldyń 16 maýsym 2021 05:14

PETROPAVL. QazAqparat – Soltústik Qazaqstan oblysynyń orman sharýashylyqtary bıyl kóktemde 561 ga jerge shamamen 2,5 mln qaıyń men qaraǵaı otyrǵyzdy, dep habarlaıdy QazAqparat tilshisi.

Búgin óńirlik kommýnıkatsııalar qyzmetinde SQO tabıǵı resýrstar jáne tabıǵat paıdalanýdy retteý basqarmasynyń basshysy Beıbit Ismanov atqarylyp jatqan jumystar jaıynda esep berdi.

SQO memlekettik orman qory 549,6 myń gektardy alyp jatyr. Onyń 434,8 myń gektary - ormandy alqap.

«Memleket basshysy 2020 jylǵy qyrkúıektegi Joldaýynda 2 mlrd aǵash otyrǵyzýǵa tapsyrma berdi. Osyǵan oraı SQO-da 2021-2025 jyldarǵa arnalǵan keshendi jospar ázirlengen. Osy aralyqta oblystyń orman sharýashylyqtary 20 myń ga jerge 116,5 mln aǵash otyrǵyzýy kerek. Bıyl óńir ormanshylary 850 ga-ǵa kóshet egýi kerek. Kóktemde 561 ga aýmaqqa 2 mln 448 myń qaraǵaı men qaıyń otyrǵyzyldy. Osylaısha kóktemgi jospardy 126 %-ǵa, jyldyq jospardy 66 %-ǵa oryndadyq», - deıdi Beıbit Ismanov.

Kúzde 289 ga-ǵa 1,43 mln kóshet otyrǵyzý úshin orman sharýashylyǵy pıtomnıkterinde 2,5 mıllıon qaraǵaı men qaıyń ósirilip jatyr.

«Jospardy oryndaý úshin ýaqytsha pıtomnıkter ashyldy. Jyl saıyn ekpe materıalyn arttyryp otyramyz. Memlekettik mekemelerde qazir 218 ga aýmaqta 34 pıtomnık bar. Bolashaqta taǵy 75 ga úlkeıtý josparlanǵan. Aldaǵy jyldary jalpy aýdany 17,5 myń gektar jerge geobotanıkalyq zertteýler júrgiziledi. Bul bolashaq orman alqaptaryn anyqtaýǵa múmkindik beredi», - deıdi basqarma basshysy.


Joǵary qaraı