Aýa raıy
Astana -9 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

COVID-19: Aqmola oblysy «qyzyl aımaqqa» endi

2020 jyldyń 23 qarasha 2020 20:17

KÓKShETAÝ. QazAqparat – Aqmola oblysy koronavırýs boıynsha qaýiptiliktiń «qyzyl aımaǵyna» kirdi. Bul týraly oblystyq Sanıtarııalyq-epıdemıologııalyq baqylaý departamentiniń basshysy Aınagúl Mýsına aıtty, dep habarlaıdy QazAqparat tilshisi.

«Búgin biz qaýiptiliktiń «qyzyl aımaǵyna» kirdik. Ázirge karantındi kúsheıtken joqpyz, aldaǵy vedomstvoaralyq komııssııa otyrysynda qaraıtyn bolamyz. Jalpy, vedomstvoaralyq komııssııanyń sheshimimen birqatar jeńildetýler boldy. Máselen, saǵat 23:00-ge deıin qoǵamdyq kólikterdiń jumys kestesi uzartyldy. Alaıda, koronavırýs ınfektsııasyn juqtyrǵandardyń sany artqan soń, biz odan ári jeńildetýdi toqtattyq», - dedi oblystyń bas sanıtarlyq dárigeri Aınagúl Mýsına QazAqparat tilshisiniń saýalyna.

Soymen qatar, ol aldaǵy ýaqytta karantındik shekteýler kúsheıtilýi múmkindigin de atap ótti.

«Karantındik shekteýlerdi kúsheıtý boıynsha biz taldaý júrgizip, baıqaıtyn bolamyz. Qazirgi kezde táýligine 61 adamnan anyqtalýda. Ádettegideı, Kókshetaý qalasynda kóp tirkelýde», - dep tolyqtyrdy A.Mýsına.

Aıta ketsek, ótken bir táýlikte Kókshetaý qalasynda 28 jaǵdaı tirkeldi, Stepnogor qalasynda – 12, Bulandy aýdanynda – 6, Sandyqtaý aýdanynda – 5, Aqkól aýdanynda – 3, Jaqsy aýdanynda – 3, Birjan sal aýdanynda – 2, Esil aýdanynda – 1, Býrabaı aýdanynda 1 jaǵdaı anyqtaldy.

Qazirgi kezde, naýqastar Egindikól aýdanynan ózge barlyq aýdanda anyqtaldy.

Oblystyq Densaýlyq saqtaý basqarmasynyń basshysy Súlen Іlııasovtyń málimetinshe, resmı statıstıka boıynsha óńirde qarasha aıynda koronavırýstan 5 adam qaıtys bolǵan.

«Qaıtys bolǵandardyń barlyǵy hál ústinde jatqandar, ıaǵnı jasy ulǵaıǵan, qant dıabeti tárizdi dertpen aýyrǵandar», - deıdi Súlen Іlıasov.

Aıta keteıik, búgin QR Úkimetiniń basshasy Asqar Mamın el aýmaǵynda koronavırýs ınfektsııasynyń taralýyna jol bermeý jónindegi vedomstvoaralyq komıssııanyń selektorlyq otyrysyn ótkizdi. Keńeste koronavırýs boıynsha «qyzyl aımaqqa» - 5, «sary aımaqqa» 2 óńir enip otyrǵany aıtyldy.



Joǵary qaraı