Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

COVID-19: Almaty ákimdigi men Djons Hopkıns atyndaǵy aýrýhana birlesip, vebınar ótkizdi

2021 jyldyń 22 sáýir 2021 01:00

ALMATY. QazAqparat- Almatyda «COVID-19-ben aýyratyn naýqastardyń qarqyndy terapııasy» taqyrybynda halyqaralyq vebınar ótti, dep habarlaıdy QazAqparat.

Іs-shara Almaty ákimdiginiń bastamasymen San-Frantsısko qalasyndaǵy QR Bas konsýldyǵynyń qoldaýymen Almaty qalasynyń qoǵamdyq densaýlyq basqarmasy júıesiniń emdeýshi dárigerleri men halyqaralyq medıtsınalyq zertteýler ortalyǵy jáne Djons Hopkıns atyndaǵy aýrýhana mamandarynyń qatysýymen ótti.

Negizgi maqsat – COVID-19-ben aýyratyn naýqastardy emdeý máseleleri jáne algorıtmi boıynsha tájirıbe almasý.

Vebınardy ashqan Almaty qalasy ákiminiń orynbasary Erjan Babaqumarov vebınardy ótkizý dárigerlerge, medıtsına uıymdarynyń basshylaryna jáne Almaty qalasynyń qoǵamdyq densaýlyq basqarmasyna COVID-19-ǵa qarsy kúreste praktıkalyq kómek kórsetetinin atap ótti.

«Ótken jyly karantın sharalary engizilgennen keıin Almaty qalasynyń ákimdigi qala ákimi Baqytjan Saǵyntaev bekitken «Pandemııa jaǵdaıynda Almaty turǵyndarynyń ómiri men densaýlyǵyn qorǵaý jónindegi is-sharalar josparyn» ázirledi. Bul jospardyń basty maqsaty megapolıste aýrýdyń deńgeıi men qarqynyn basqarý arqyly COVID-19-ǵa qarsy turý júıesin qurý, jumys istep turǵan ekonomıkamen karantın sharalary teńgerimi jaǵdaıynda ujymdyq ımmýnıtetti qalyptastyrý boldy. Osyǵan baılanysty biz jańa derekterge júıeli monıtorıng júrgizý, pandemııamen jalpy kúreste basqa elderdiń tájirıbesin paıdalaný óte mańyzdy dep sanaımyz», - dep atap ótti Erjan Babaqumarov.

Aıta keteıik, Almaty ákimdigi qaladaǵy aýrýdyń deńgeıi men qarqynyn basqarý mindetin qoıdy, ol úshin densaýlyq saqtaý júıesiniń barlyq býyndarynyń jumysy úılestirildi.


Avtor Alma Muqanova
Basty sózder: Almaty, Medıtsına, Koronavırýs,
Joǵary qaraı