Aýa raıy
Astana 6 °S
Almaty 17 °S
valıýta baǵamy
USD 421.58
EUR 496.83
RUB 5.53
CNY 62.20

COVID-19: Eýropada jaǵdaı kúrdelene tústi

2020 jyldyń 6 tamyz 2020 14:45

NUR-SULTAN. QazAqparat – Frantsııa densaýlyq saqtaý mınıstrligi elde aýrý juqtyrǵan adamdardyń sońǵy 24 saǵatta tirkelgen sanyna baılanysty «juqtyrýdyń buryn bolmaǵan ósimi» degen sıpattama berdi. Táýlik ishinde vırýs juqtyrǵan adamdardyń sany 1700-ge jýyqtady, dep habarlaıdy QazAqparat Euronews-ke silteme jasap.

Barlyq kýrorttyq qalalarda mindetti túrde maska taǵý talap etilgen, Parıj merııasy da osyǵan uqsas sheshim qabyldaýy tıis, sebebi turǵyndar arasynda ataqty kvartaldar men Sena jaǵalaýynda áleýmettik qashyqtyq saqtalmaı otyr.

Oǵan kórshiles Ispanııanyń da jaǵdaıy uqsas: mundaǵy aýrý juqtyrǵan adamdardyń sany da birdeı, bul eki aı buryn oqshaýlaý sharalaryn alyp tastaý kezinen bergi rekordtyq san.

Brıtanııa ótken aptada Ispanııadan qaıtyp kelýshiler úshin mindetti karantın engizgen.

Shotlandııanyń Aberdın qalasynyń turǵyndary úshin de eki aptaǵa sozylatyn karantın engizildi.

Germanııada indet juqtyrǵan adamdardyń sany 214 myńnan asqan, federaldyq úkimet ınfektsııa taralýynyń joǵary deńgeıi bar elderden qaıtyp oralǵan saıahatshylardyń barlyǵyn vırýsqa analız tapsyrýdy mindettedi. Budan basqa, el bıligi turǵyndardy Antverpen qalasynda COVID-19 indetiniń joǵary oshaǵy paıda bolǵan Belgııaǵa sapar jasaýdan bas tartýdy suraıdy.


Basty sózder: Eýropa, Koronavırýs,
Joǵary qaraı