Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

COVID-19-ǵa qarsy egilmegenderdi mektepke kirgizbeıdi degen aqparat - feık

2021 jyldyń 21 shilde 2021 17:33

NUR-SULTAN. QazAqparat - Facebook-te COVID-19-ǵa qarsy vaktsına almaǵan balalardy mektepke jibermeıdi, al vaktsınatsııadan bas tartý mektep oqýshylaryn bilim alý konstıtýtsııalyq quqyǵynan aıyratyny týraly habarlama tarady. Bul aqparat — jalǵan, dep habarlaıdy stopfake.kz saıty.

Habarlamada avtor QR Densaýlyq saqtaý mınıstri Alekseı Tsoıdyń sózine súıenedi.
Aǵymdaǵy jyldyń 19 shildesinde «Habar 24» telearnasynyń efırinde mınıstr Qazaqstanǵa Pfizer/BioNTech óndirgen COVID-19-ǵa qarsy vaktsınany jetkizý jospary jaıly baıandady. Búgingi tańda bul preparat klınıkalyq synaqtardan ótip, 12 jastan asqan jasóspirimderdi vaktsınalaý úshin maquldanǵan.
Alaıda, bul bizdiń elimizde 12 jastan asqan oqýshylarǵa vaktsınatsııa mindetti bolady jáne onsyz balalar mektepke bara almaı, kemsitýshilikke ushyraıdy degenniń belgisi emes. Alekseı Tsoı mundaı málimdeme jasaǵan joq.
Birinshiden, Pfizer/BioNTech vaktsınasynyń alǵashqy partııasy osy jyldyń qazan aıynda, ıaǵnı oqý jyly bastalǵannan keıin ákelinýi múmkin. Ekinshiden, densaýlyq saqtaý mınıstriniń ózi habarlaǵandaı, balalardy COVID-19-ǵa qarsy vaktsınalaý tek erikti túrde ǵana júrgiziledi jáne kámeletke tolmaǵandar ata-analarynyń kelisimimen ǵana egiledi.
Demek, ekpe saldyrmaǵan balalardy bilim alýǵa konstıtýtsııalyq quqyǵynan aıyrady degen qaýeset negizsiz jáne shyndyqqa janaspaıdy. Qazaqstandyq oqýshylar vaktsınatsııa mártebesine qaramastan bilim alatyn bolady.


Joǵary qaraı