Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

COVID-19: Qytaı maýsym aıynyń sońyna deıin halyqtyń 40%-yna vaktsına egýdi josparlap otyr

2021 jyldyń 3 naýryz 2021 09:37

BEIJІŃ. QazAqparat – Qytaı maýsym aıynyń sońyna deıin halqynyń shamamen 40%-yn koronavırýsqa qarsy egýdi josparlap otyr. Bul týraly QHR Densaýlyq saqtaý isteri jónindegi memlekettik komıteti janyndaǵy sarapshylar tobynyń basshysy Brýkıngs ınstıtýty uıymdastyrǵan onlaın-forým barysynda málimdedi, dep habarlaıdy QazAqparat.

Onyń aıtýynsha, Qytaı maýsym aıynyń sońyna deıin el halqynyń shamamen 40%-yn egýdi josparlap otyr. Ol úshin Qytaıda belgilengen merzimge jetý úshin kúnine keminde 5 mıllıon doza engizý kerek. Sonymen birge, ol «búkil álemdegi basty másele – adamdarǵa vaktsınany múmkindiginshe tezirek alý» dep atap ótti.

Onyń pikirinshe, eger vaktsınalaý protsesi keshiktirilse, vırýstyń mýtatsııa yqtımaldyǵy soǵurlym joǵary bolady. Osyǵan baılanysty ol barlyq vaktsına óndirisin jedeldetýge jáne vırýstyń túrlerine sezimtal jańa tıptegi vaktsınalar jasaýǵa shaqyrdy. Chjýn Nanshan, sonymen qatar, Qytaıdaǵy vaktsınatsııanyń tómen qarqynyna alańdaýshylyq bildirip, olardy jedeldetý qajettiligin atap ótti.

Qytaı epıdemıology 27 aqpandaǵy jaǵdaı boıynsha Qytaıda 1,4 mlrd adamnyń tek 3,56%-y egilgenin aıtady. Óz kezeginde Izraıl halyqtyń 92,46%-yn, BAÁ – 60,82%, Ulybrıtanııa – 30,13%, AQSh 22%-yn vaktsınalady.

Basty sózder: Vaktsına, Qytaı, Koronavırýs,
Joǵary qaraı