Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Dándi daqyl shyǵymy byltyrǵydan 33,6 paıyz tómen bolýy múmkin - AShM

2021 jyldyń 14 qyrkúıek 2021 12:38

NUR-SULTAN. QazAqparat – QR Aýyl sharýashylyǵy mınıstri Erbol Qarashókeev Úkimet otyrysynda qurǵaqshylyqtyń zardaptary týraly málimet berdi, dep habarlaıdy QazAqparat tilshisi.

«Ósimdik sharýashylyq ónimderi 919,7 mlrd teńgege óndirildi. Bul naqty mánde ótken jyldyń tıisti kezeń deńgeıinen 1,3 paıyz az. Tómendeý vegetatsııalyq kezeńde qalyptasqan topyraq pen atmosfera qurǵaqshylyǵyna baılanysty týyndap, daqyldardyń ósýine teris áser etti. Máselen, oblys ákimderiniń jedel derekteri boıynsha, 1 qyrkúıekke dándi jáne dándi-burshaqty daqyldardyń ortasha túsimi 7,9 tsentnerdi qurady. Bul ótken jyldyń osyndaı kúni qalyptasqan túsimdilikten 33,6 paıyz az», - dedi mınıstr.

Onyń sózine qaraǵanda, ortasha respýblıkalyq kórsetkishten joǵary ónim alǵan óńirlerdi saýsaqpen sanaýǵa bolady.

«Oblystar bólinisinde jalpy aýyl sharýashylyǵy ónimderiniń respýblıkalyq ortasha deńgeıden joǵary ósý qarqyny 5 oblysta baıqalady. Bul Aqmola, Pavlodar, Qaraǵandy, Qsotanaı jáne Shyǵys Qazaqstan oblystary», - dedi Erbol Qarashókeev.


Joǵary qaraı