Aýa raıy
Astana -19 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Danıal Ahmetov Óskemendegi kópqabatty úılerdiń qurylysyn synǵa aldy

2020 jyldyń 23 qazan 2020 05:15

ÓSKEMEN. QazAqparat – Shyǵys Qazaqstan oblysynyń ákimi Danıal Ahmetov Óskemendegi jańa shaǵynaýdanda salynyp jatqan úılerdiń qurylysyn synǵa aldy, dep habarlaıdy QazAqparat tilshisi.

Bul jaıly aımaq basshysy Instagram paraqshasynda jazdy.

«Kezekti ret 19 shaǵynaýdandaǵy jańa alleıada atqarylǵan jumystardyń barysymen tanystym. Joba boıynsha Qazybek bı dańǵyly jaǵynan uzyndyǵy 80 metrdi quraıtyn saıabaqta eskertkish pen ádemi sýburqaq ornalasady», - dedi Danıal Ahmetov.

Onyń aıtýynsha, qarasha aıynda Samar-Almaty baǵytyndaǵy tasjoldy rekonstrýktsııalaý jumysy aıaqtalady dep kútilýde. Atalǵan magıstral qalanyń ortalyq bóligindegi kólik júktemesin azaıtyp, Ponton kópiri arqyly Óskemenniń Úlbi bóligi men 19 shaǵynaýdandy baılanystyrmaq.

Sonymen qatar kelesi jyly Esenberlın dańǵyly Jibek joly men Sátpaev kósheleriniń qıylysyna deıin sozylady. Osylaısha, oblys ortalyǵynyń negizgi kólik logıstıkasy 2021 jyly aıaqtalyp, tolyq abattandyrylady.

«Nurly jol» jańa shaǵyn aýdanyndaǵy jańa 16 jáne 12 qabatty turǵyn úılerdiń qurylys qarqynyn tekserdim. Ókinishke qaraı, merdiger kompanııa josparlanǵan 70 myń sharshy metrdi merziminde paıdalanýǵa bermeıdi dep oılaımyn. Ony osy ýaqyt ishinde atqarylǵan jumystyń kóleminen baǵalap kórýge bolady. Qala basshysy Jaqsylyq Omarǵa tıisti sharalar qabyldaý tapsyryldy», - dedi oblys ákimi.

Danıal Ahmetov qala turǵyndary bul úılerdi kútip otyrǵanyn, baspananyń nesıege alynǵanyn jetkizdi.








Joǵary qaraı