Aýa raıy
Astana 19 °S
Almaty 17 °S
valıýta baǵamy
USD 386.71
EUR 429.17
RUB 6.02
CNY 54.66

Danır Qaldybekov Almatyda ótken ATF Junior týrnırinde jeńimpaz atandy

2019 jyldyń 25 tamyz 2019 01:27

TARAZ. QazAqparat – Tarazdyq oqýshy Danır Qaldybekov halyqaralyq ATF Junior 14&Under Almaty G2 jasóspirimder týrnırinde jeńimpaz atandy, dep habarlaıdy QazAqparat.

12 jasar Danır – qalalyq №4 sport mektebiniń oqýshysy. Ol 14 jasqa deıingi jasóspirimder arasyndaǵy úlken tennıs reıtınginde osymen úshinshi jyl kósh bastap keledi. Azııa chempıonatynyń reıtıngi boıynsha, búginde Danır Qaldybekov Úndistan ókilinen keıin ekinshi orynda tur.

Aıta keteıik, tamyzda 14 jasqa deıingi balalar arasynda Azııa birinshiligi ótken bolatyn. Tennıs týrnıri 5-12 tamyz aralyǵynda - Bishkekte, 19-24 tamyzda – Almatyda uıymdastyryldy. Onda Qazaqstan, Reseı, Ózbekstan, Tájikstan, Qyrǵyzstan, Úndistan jáne Gonkongtan kishkentaı sportshylar baq synady.

«Bishkektegi týrnırde Danır dara jáne juptyq saıystarda jeńiske jetti, - deıdi tennısshiniń ákesi jáne jattyqtyrýshysy, sport sheberi Danııar Qaldybekov. – Al Almatyda juptyq jarysta birinshi oryndy ıelendi. Danııardyń almatylyq qarsylastary óte myqty boldy. Tipti, fınalda da ol almatylyq sportshymen oınap, ony eki sette utty. Aıta keteıin, Danır búkil týrnırde tek qana eki setten oınap, óz biliktiligin aıqyn basymdyqpen dáleldep otyrdy. Eshbir qarsylasyna bir de bir setti bermedi. Búkil match boıynda ári ketkende 3-4 geımnen jol berdi. Qarsylastary ózinen bir-eki jas úlken bolǵanyna qaramastan bárinen basym tústi».

Aıta keteıik, Danır Qaldybekov – sport sheberligine kandıdat. Úlken tennıspen 5 jasynan beri aınalysyp júr.

Perevod Janat Qapalbaeva
Basty sózder: Sport, Jambyl oblysy, Almaty,
Joǵary qaraı