Aýa raıy
Astana 23 °S
Almaty 31 °S
valıýta baǵamy
USD 412.55
EUR 468.66
RUB 5.79
CNY 58.80

Dári baǵasynyń negizsiz óskenin kórseńizder, maǵan habarlańyzdar - Eraly Toǵjanov

2020 jyldyń 5 shilde 2020 22:36

NUR-SULTAN. QazAqparat - Qazirgi qıyn jaǵdaıda dári-dármekti qymbattatyp, paıda tabamyn degenderge túbinde jaqsylyq bolmaıdy. Bul týraly QR Premer-Mınıstriniń orynbasary Eraly Toǵjanov aıtty, dep habarlaıdy QazAqparat tilshisi.

«Bul - ońaı másele emes. Osyndaı kúrdeli kezeńde azamattardyń qıyn jaǵdaıǵa dýshar bolǵanyn paıdalanyp, paıda tabamyn degenderge túbinde jaqsylyq bolmaıdy. Sondyqtan munyń bárin eskerý qajet. Bul is Prezıdenttiń erekshe qadaǵalaýynda. Ótkende sizderden ótingenmin, ár azamat osyndaı jaǵdaıǵa tap bolsa, tikeleı habarlasýǵa múmkindigi bar. Arnaıy komıssııa jumys istep jatyr. Ózime de tikeleı habarlasýǵa bolady. Sondyqtan jumys isteý úshin jumylǵan judyryqtaı birigý kerek. Búkil el qoldap, habar berip otyrsańyzdar, ondaı adamdardy tez anyqtaýǵa múmkindik bar. Sondyqtan sizderden barlyq aqparatty elge shyǵaryp, bizge berip otyrýlaryńyzdy suraımyz», - dedi Eraly Toǵjanov Ortalyq kommýnıkatsııalar qyzmetindegi brıfıng barysynda.

Aıta keteıik, BAQ ókilderi vıtse-premerden dári-dármek alypsatarlarynyń jolyna tosqaýyl qoıý jumysy qalaı júrgiziletinin suraǵan edi.


Joǵary qaraı