Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Darıǵa Nazarbaeva sheteldik ınvestorlarmen jumystyń tetikterin jetildirýge qatysty pikir bildirdi

2021 jyldyń 16 maýsym 2021 13:38

NUR-SULTAN. QazAqparat – Parlament Májilisiniń jalpy otyrysynda depýtat Darıǵa Nazarbaeva sheteldik ınvestorlarmen jumys isteý tetikterin jetildirýge qatysty pikir bildirdi, dep habarlaıdy QazAqparat tilshisi.

«Sizdiń nazaryńyzdy sheteldik ınvestorlarmen jumys isteý tetikterin jetildirý qajettiligi máselesine aýdarǵym keledi. Qazaqstan Respýblıkasynyń sheteldik ınvestorlarmen arbıtrajdyq daýlary otandyq ekonomıkaǵa ınvestıtsııalardy tartýdyń tejeýshi faktorlarynyń biri bolyp sanalady. Tórelik protsesterdiń kóp bóligi ashyq túrde jarııa ótkiziledi, al materıaldar ınternette kópshilikke qoljetimdi bolýy nátıjesinde sheteldik BAQ-ta teris rezonans týyndaıdy, bul el úshin bedel táýekelderiniń turaqty ósýine alyp keledi. Arbıtrajdarmen jumys isteý úshin, onyń ishinde memlekettik organdardyń aralyq sot isin júrgizý orbıtasyna qatysýyn barynsha azaıtý úshin Bas prokýratýrada, Qarjy mınıstrliginiń Memlekettik kirister komıtetinde jáne Ádilet mınıstrliginde mamandandyrylǵan bólimder qurylǵan. Investorlardyń quqyqtary men zańdy múddelerin qorǵaýǵa kómektesý úshin ınvestıtsııalyq ombýdsmen ınstıtýty quryldy», - dedi D. Nazarbaeva Premer-Mınıstr Asqar Mamınniń atyna joldaǵan saýalynda.

Onyń aıtýynsha, osyǵan qaramastan, Qazaqstan Respýblıkasyna ınvestorlardyń tórelik talap-aryzdarynyń sany udaıy ósip keledi. Bul daýlarda ınvestorlar ózderiniń quqyqtary men múddelerin qazaqstandyq tarap buzady dep málimdeı otyryp, halyqaralyq tórelikterge júginetin ınvestıtsııalyq daýlardyń úlesi basym.

«Árbir arbıtrajdy daý qazaqstandyq sot jáne quqyq qorǵaý júıeleri úshin «stress-test» bolyp otyrady. Arbıtrajdar barysynda el ekonomıkasynyń túrli salalaryndaǵy memlekettik basqarýdyń júıeli kemshilikteri anyqtalady. Olardyń qataryna ýákiletti memlekettik organdardyń jumys baǵdarlamalary deńgeıinde ınvestordyń mindettemelerin aıqyndaý tártibi jatady. Óıtkeni memleket ınvestıtsııalardy barynsha kóp tartýǵa múddeli bolǵandyqtan, jaýapsyz ınvestorlar osy jaǵdaıdy paıdalanady jáne úlestes kompanııalardan taýarlardy, jumystar men kórsetiletin qyzmetterdi joǵary quny boıynsha satyp alý arqyly ınvestıtsııalaý kólemin jasandy túrde ulǵaıtýy múmkin», - dedi depýtat.

Onyń sózine qaraǵanda, tórelikke júgingen kezde jaýapsyz ınvestorlar jumys baǵdarlamalarynda jazylǵan ózderiniń jalǵan ınvestıtsııalary úshin sotqa júginedi. Tórelik ınvestordyń paıdasyna sheshim shyǵarǵan jaǵdaıda, jasandy kóterińki somalar elge boryshtyq aýyrtpalyq túsiredi, memleket aktıvteri úshin ózge de teris táýekelder jasaıdy.

«Baıandalǵannyń negizinde, ınvestorlarmen jumysty uıymdastyrý kezinde shyǵyndardy jasandy arttyrýǵa jol bermeý maqsatynda ınvestıtsııalyq mindettemelerdi (jumys baǵdarlamalaryn) oryndaýdyń naqty jáne ashyq tetigin belgilep, ony baqylaýda ustaý usynylady. Osy máseleniń mańyzdylyǵyn jáne onyń ınvestorlar úshin Qazaqstan Respýblıkasynyń ınvestıtsııalyq tartymdylyǵyn qoldaý men saqtaý úshin mańyzyn eskere otyryp, osy másele boıynsha Úkimettiń ustanymyn usynýdy suraımyn», - dedi D. Nazarbaeva.


Joǵary qaraı