Aýa raıy
Astana -8 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Dáriger koronavırýstan qorǵaný týraly: Immýndyq júıege salmaq túsirmeý kerek

2020 jyldyń 24 qarasha 2020 22:41

ALMATY. QazAqparat –Asfendııarov atyndaǵy QazUMÝ ımmýnologııa kafedrasynyń meńgerýshisi, medıtsına ǵylymdarynyń kandıdaty Elmıra Bıtanova koronavırýstyń aldyn alý sharalaryn ustanýdyń mańyzy jaıly aıtty, dep habarlaıdy QazAqparat tilshisi.

«Búgingi tańda koronavırýsqa qarsy preparattyń joq ekenin bárimizge belgili. Biraq, bárimizge jaqsy tanys aldyn alýdyń qarapaıym erejeleri men sharttary bar. Bul kezeńde tsırkadty yrǵaqtyń jumysyn: ýaqtyly uıyqtaý jáne demalys, kún tártibin durys saqtaý óte mańyzdy ekenin atap ótken jón. Ekinshiden, kúızelisti jaǵdaılardan aýlaq júrý qajet. Barlyq dertterdi der kezinde emdep, aýrýdyń aldyn alý. Aýyryp em izdegenshe, aýyrmaýdyń jolyn izdegen jón. Durys tamaqtaný ádetin ustanǵan mańyzdy. Immýndyq júıege salmaq túsirmeý kerek. Máselen, alkogol tutyný men temekini shekten tys qoldanýdy, t. b. shekteý qajet. Tek osyndaı jaǵdaıda ǵana ımmýndyq júıeni qalypty jaǵdaıda ustaýǵa bolady. Pandemııa kezinde bul máseleler odan da aıqyn bola tústi»,– dedi dáriger Almatyda Óńirlik kommýnıkatsııalar qyzmetiniń alańynda ótken onlaın brıfıng barysynda.

Aldyn alý sharalaryna qatysty E.Bıtanova qoǵamdyq oryndarda áleýmettik qashyqty saqtaýdyń asa mańyzdylyǵy men juqtyrýdy boldyrmaý úshin bir ǵımaratta shoǵyrlanýdan aýlaq bolý qajettigin atap ótti.

«Atap ótken erejelerden basqa, koronavırýstyń aldyn alýdyń óte qarapaıym sharalaryn ustaný qajet. Óz basym bul talaptardy keıbir adamdar ǵana saqtaıtynyn baıqap júrmin. Adamdardyń bir jerde shoǵyrlanýy, ásirese, qys maýsymynda jaǵdaıdy ýshyqtyryp jiberýi múmkin. Biz sýyqta dalada kóp júre almaımyz, sondyqtan adamdar ǵımarat ishine jınalady. Sanıtar dárigerlerdiń bizge aıtyp jatqan erejelerin saqtaý kerek. Jáne tek solaı ǵana biz vaktsına paıda bolǵanǵa deıin ınfektsııany basa alamyz», –dep túsindirdi ol.

Sonymen qatar, ol JRVI belgileri bolǵan jaǵdaıda úıden shyqpaı, dárigerdi úıge shaqyrý kerektigin jetkizdi. Ózin-ózi emdeýmen aınalyspaı, balalar men otbasynyń qart múshelerin bólek bólmede oqshaýlaý arqyly qorǵaý kerek.


Avtor Alma Muqanova
Basty sózder: Koronavırýs, Medıtsına, Almaty,
Joǵary qaraı