Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Dáriger koronavırýstyń adam ókpesine tıgizetin áseri týraly aıtty

2021 jyldyń 17 qańtar 2021 02:32

NUR-SULTAN. QazAqparat - Tehas tehnologııalyq ýnıversıtetiniń Medıtsına ǵylymdary ortalyǵynyń dotsenti, dáriger Brıttanı Benkhed-Kendall COVID-19-dyń adam ókpesine tıgizetin áseri týraly aıtty.

Dáriger úsh rentgen sýretimen bólisti: saý adamnyń, temeki shegýshi jáne COVID-19 jeńil túrde aýyrǵan naýqastyń ókpe sýretteri.

Dáriger saý adamdardyń rentgen sýretteri móldir bolatynyn túsindirdi. Temeki shegýshilerdiń ókpe sýretteri tyrtyqtarǵa baılanysty keı jerleri aq tústes bolyp keledi. Koronavırýstan keıin ókpede keń kólemde móldir emes jerler kórinedi. Bul COVID-19 jáne aýa jetispeýshiliginen týyndaǵan qatty tyrtyqtarǵa baılanysty bolady.

Koronavırýs kóbinese ókpe suıyqtyqqa tolyp, qabynǵan kezde paıda bolatyn pnevmonııa sııaqty asqynýlarǵa ákeledi. Aýyrǵan adamdarda sozylmaly jótel, entigý, murynnan ókpege deıingi tynys alý joldaryndaǵy epıtelıı jasýshalarynyń zaqymdanýy damıdy. Asqyný jaǵdaılary COVID-19-dyń sımptomsyz túrimen aýyryp jazylǵan adamdardyń 70-80% - da baıqalǵan.

Bankhed-Kendall densaýlyq saqtaý salasyndaǵy kóptegen sarapshylary indettiń jazylyp yqqandarǵa uzaq merzimdi áserin qadaǵalaýdyń góri ólim-jitim deńgeıine nazar aýdaratyndyqtaryna alańdaýshylyq bildirdi.

Sonymen qatar, dáriger COVID-19-dan jazylǵannan keıin de demikpe saqtalǵan jaǵdaıda jedel medıtsınalyq kómekke júginýge shaqyrdy.


Basty sózder: Álem, Koronavırýs,
Joǵary qaraı