Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Dáriger óziniń bilimi men biliktiligin únemi jetildirip otyrýy tıis - kardıolog

2021 jyldyń 19 qyrkúıek 2021 11:08

ALMATY. QazAqparat - Ár dáriger óziniń bilimi men biliktiligin, quzyreti men kásibı deńgeıin únemi jetildirip, medıtsına salasyndaǵy jańalyqtardy oqyp-bilip otyrýy tıis. Bul týraly Kardıologııa jáne ishki aýrýlar ǵylymı-zertteý ınstıtýtynyń basqarma tóraǵasy, medıtsına ǵylymdarynyń doktory, professor Roza Qýanyshbekova aıtty, dep habarlıady QazAqparat tilshisi.

Sımýlıatsııalyq bilim ortalyqtarynyń ár bilim alýshyǵa óz betinshe talap etiletin protsedýralardy oryndaýǵa múmkindik beretin vırtýaldy jáne robottalǵan manekenderdi paıdalana otyryp, jas dárigerlerdi oqytý kezinde praktıkalyq bilimi men daǵdylaryn meńgerýdegi alatyn orny zor.

Kardıologııa jáne ishki aýrýlar ǵylymı-zertteý ınstıtýtynyń basqarma tóraıymy, medıtsına ǵylymdarynyń doktory, professor Roza Qýanyshbekovanyń aıtýynsha, qazirgi kezde medıtsına qarqyndy damýda, dárigerdiń jumysy únemi jańa tehnologııalardy, dıagnostıka men emdeýdiń jańa ádisterin meńgerýdi talap etedi.

«Sımýlıatsııalyq tehnologııalardy qoldaný oqý úderisin tıimdi etýge múmkindik beredi, nátıjege patsıentterge, oqytyshylar men tyńdaýshylarǵa qaýip tóndirmeı qol jetkiziledi, ásirese pandemııa kezinde. Bul tehnologııalardy qyzmetkerlerdiń biliktiligin arttyrý protsesine engizý – obektıvti qajettilik», – deıdi Roza Toqtanáliqyzy.

Instıtýtta qyzmet etetin júrek-ókpe reanımatsııasy, ınterventsııalyq kardıologııa jáne arıtmologııa sımýlıatsııa ortalyqtary, sondaı-aq gıbrıdti zerthanalar rezıdentter men dárigerlerge teorııalyq jáne praktıkalyq daǵdylaryn meńgerýge múmkindik beredi.

«Bilim alýshylardyń Simbionix ANGIO Mentor Suite sımýlıatorynda endovaskýlıarlyq aralasýlardyń daǵdylaryn meńgerýge múmkindikteri bar. Bul - naqty ýaqyt rejıminde rentgenoskopııanyń baqylaýymen oryndalatyn endovaskýlıarlyq protsedýralardyń kompıýterlik medıtsınalyq sımýlıatory. Ol angıografııa, angıoplastıka jáne stentteý sekildi endovaskýlıarlyq protsedýralardy júrgizýdiń jeke nemese komandalyq jattyqtyrýyn usynady», - deıdi rentgenoendovaskýlıarlyq operatsııa blogynyń meńgerýshisi, ınterventsııalyq kardıolog, rentgenhırýrg Alekseı Kolesnıkov.

Júıeniń anatomııalyq qurylymdardy shynaıy 3D kórsetý jáne ınterventsııalyq quraldardy paıdalana otyryp protsedýralardy shynaıy ımıtatsııalaýǵa jáne taktıldi sezimder jasaý qabileti bar.




Simbionix ANGIO Mentor koronarlyq aralasýlardyń negizgi daǵdylary jónindegi modýldi qamtıdy, onda júrek tamyrlaryn stentteý kezindegi asqynýlar boıynsha sımýlıatsııalyq baǵdarlamalar, asqynýlarmen kúresýdiń praktıkalyq daǵdylaryn ázirleý jáne jiti koronarlyq sındrom kezindegi ınterventsııalyq aralasýlar engizilgen.

Sonymen qatar, daǵdarystardy zertteý ortalyǵynyń (Lıtva, Kaýnas qalasy) qoldaýymen qurylǵan gıbrıdti zerthana jumys isteıdi.

Daǵdarystardy zertteý ortalyǵy ázirlegen oqytý ádistemesi bilimdi tez jáne tıimdi taratýǵa, sondaı-aq personaldyń praktıkalyq daǵdylaryn praktıkada qoldanýǵa múmkindik beredi.

Zerthana 7/24 jumys isteı alady, bul personalǵa qolaıly ýaqytta zerthanada jumys isteýge jáne praktıkalyq daǵdylaryn qalyptastyrýǵa múmkindik beredi.

Kardıologııa kafedrasynyń basshysy, medıtsına ǵylymdarynyń kandıdaty Aısulý Musaǵalıevanyń aıtýynsha, barlyq sabaqtar beınetaspaǵa jazylady, olardy nusqaýshy qarap otyrady.

Kýrs aıaqtalǵannan keıin qorytyndy tapsyrma beriledi, ol da beınetaspaǵa jazylady jáne nusqaýshy baǵalaıdy.

Gıbrıdti zerthananyń bazasynda túrli taqyryptar boıynsha, mysaly «Jedel kardıologııalyq kómek», «Mamandandyrylǵan reanımatsııalyq kómek», «Bastapqy baǵalaý jáne COVID-19 ınfektsııasy bar patsıentterdi emdeý» jáne taǵy basqa taqyryptaǵy kýrstar júrgiziledi.





Avtor Alma Muqanova
Basty sózder: Bilim, Almaty, Medıtsına,
Joǵary qaraı