Aýa raıy
Astana 31 °S
Almaty 34 °S
valıýta baǵamy
USD 412.55
EUR 468.66
RUB 5.79
CNY 58.80

Dárigerlerdi koronavırýspen kúreske qaıta daıyndaý qashan bastalady

2020 jyldyń 6 shilde 2020 13:39

NUR-SULTAN. QazAqparat - Astana medıtsına ýnıversıteti koronavırýspen kúreske qajetti medıtsınalyq mamandyqtar boıynsha dárigerlerdi qaıta daıyndaý baǵdarlamasyn ázirledi. Bul týraly atalǵan oqý ornynyń kafedra meńerýshisi, medıtsına ǵylymdarynyń kandıdaty Nurıla Maltabarova aıtty, dep habarlaıdy QazAqparat tilshisi.

«Búgingi kúni Astana medıtsına ýnıversıtetinde zerthanalyq dıagnostıkalaý dárigerlerin daıyndaý, indet talaptary boıynsha qajetti ózge de mamandyq dárigerlerin qaıta daıyndaý baǵdarlamasy ázirlendi. Qaıta daıyndaý jumystary osy jyldyń 3 tamyzynan bastalady dep josparlanýda. Elimizdiń 7 óńirine baǵdarlamanyń daıyndalǵany týraly aqparattyq hat jiberildi. Ótinim kútip otyrmyz. Biz jas mamandardy qabyldaýǵa daıynbyz», - dedi Nurıla Maltabarova.

Al osy oqý ornynyń Balalar ınfektsııalyq aýrýlary kafedrasynyń meńgerýshisi, PhD doktory, ınfektsıonıst-dáriger Baıan Turdalına ınfektsıonıst, anestezıolog-reanımatolog bolǵysy kelgen dárigerlerdi qabyldaýǵa daıyn ekenderin aıtty.


Joǵary qaraı