Aýa raıy
Astana -15 °S
Almaty 5 °S
valıýta baǵamy
USD 421.58
EUR 496.83
RUB 5.53
CNY 62.20

Dárigerlerdiń erligin umytyp kettik - Perýashev ótemaqysyz qalǵan medqyzmetkerler jaıly

2020 jyldyń 28 qazan 2020 15:48

NUR-SULTAN. QazAqparat – «Aq jol» fraktsııasynyń depýtattary ótemaqy ala almaǵan dárigerlerdiń máselesin kóterip, Úkimet basshysyna depýtattyq saýal joldady, dep habarlaıdy QazAqparat tilshisi.

«21 qazanda Densaýlyq saqtaý mınıstrligi COVID-19 aýrýymen aýyrǵan medıtsına qyzmetkerlerine tólem berilmeıtinin habarlady. Vıtse-mınıstr Marat Shoranov aıtqandaı, men naqty sózin keltireıin: «Bul saqtandyrý jaǵdaıy emes, bul tótenshe jaǵdaı men karantın kezeńinde bolǵan táýekel úshin bir rettik tólem boldy. Qazir aýrýhanalarǵa artyq salmaq túsip turǵan joq, dárigerlerdiń ólim qaýpi nólge teńesti». Eger dárigerler men medbıkeler ınfektsııany juqtyrsa Densaýlyq saqtaý mınıstrligi olardy kásipodaqtar men jergilikti atqarýshy organdardyń esebinen qoldaý sharalaryn qarastyrýdy usynady», - deıdi Azat Perýashev Úkimet basshysyna joldaǵan depýtattyq saýalynda.

Onyń aıtýynsha, Densaýlyq saqtaý mınıstrliginiń bul sheshiminen týra eki apta buryn Prezıdent koronavırýs pandemııasynyń ekinshi tolqynyna daıyndyq jónindegi keńeste medıtsına qyzmetkerlerine bonýstardy «sandarmen oıyn» jasamaı, bıýrokratııalyq kedergilerdi toqtatyp, tez arada tóleýge buıryq bergen.

Al osydan birneshe kún buryn «Nur Otan» fraktsııasynyń depýtattarynyń keńeıtilgen otyrysynda depýtattar sheneýnikterdiń bıýrokratııasyna baılanysty medıtsına qyzmetkerlerine tólenetin tólemderdiń buzylýynyń kóptegen faktilerin qatal synǵa alǵan.

«Aq jol» fraktsııasynyń depýtattaryna ártúrli aımaqtardaǵy dárigerlerden shaǵym kóp túsip jatyr. Eń qıyn kezeńde otbasyn kórmeı, aýrýhanada basyn báıgege tikken dárigerler qazir kabınetterde taban tozdyryp, bıýrokratııanyń zardabyn shegýde. Al Densaýlyq saqtaý mınıstrliginiń Prezıdenttiń tapsyrmalary men qoǵamnyń narazylyǵyna degen «jaýaby» osy. Kerisinshe koronavırýsqa qarsy soǵystyń aldyńǵy shebinde júrgen dárigerlerge memleket qamqorlyq jasaıtynyn jáne qıyn-qystaý kezde olardy qoldaıtynyn kórsetý mańyzdy bolar edi. Vıtse-mınıstr jergilikti bıýdjetke jáne medıtsınalyq qyzmetkerlerdiń kásipodaqtaryna tólenbegen tólemder úshin jaýapkershilikti júktegendikten, biz bul organdardyń múmkindikterin bilýge tyrystyq. Esterińizge sala keteıik, buryn jumys ornynda aýyryp qalǵan dárigerlerge - 2 mıllıon teńge, qaıtys bolǵan jaǵdaıda olardyń otbasyna - 10 mıllıon teńge tólenetin bolǵan», - deıdi ol.

Azat Perýashev bul jaǵdaıda kásipodaqtar emdeý járdemaqysy retinde 3 aılyq kólemindegi tólemdi bere alatynyn habarlaǵanyn jetkizdi.

«Búkil otbasy uzaq ýaqyt boıy emdelip jatsa bul aqsha jetpeı de qalýy múmkin. «Aq jol» depýtattyq fraktsııasy bizdiń dárigerlerdiń janqııarlyǵyna degen osyndaı kózqarasqa narazylyǵyn bildiredi. Densaýlyq saqtaý mınıstrligi óz sózinde turmaǵany ma? Biraq eger vıtse-mınıstr aıtqandaı, ınfektsııa qaýpi «nólge deıin tómendetilse», onda bıýdjettiń shyǵyndarynan qorqatyn ne bar? Mundaı sheshimnen memlekettiń bedeldik shyǵyndary áldeqaıda qymbat bolady. Úkimetten osy máseleni qaıta qarap, atalǵan tólemderdi saqtap qalýyn suraımyz. Áıtpese, qıyn sátte bizdiń azamattarymyzdy qutqaratyn eshkim bolmaı qalýy múmkin. Dárigerler men medıtsına qyzmetkerleriniń jetispeýshiliginiń mundaı jaǵdaıy maýsym-shilde aılarynda bolǵan, onda eki medbıke kúndiz-túni tósek arasynda júgirip ótip, ondaǵan naýqasqa júıeler men ottegi apparattaryn ornatqan. Qalaı bolǵanda da biz qalǵan dárigerlerge kómektesý úshin stýdentter men eriktilerdi shaıqasqa qalaı laqtyrǵanymyzdy tez umytyp kettik», - dedi ol.


Joǵary qaraı