Aýa raıy
Astana 29 °S
Almaty 35 °S
valıýta baǵamy
USD 412.55
EUR 468.66
RUB 5.79
CNY 58.80

Dárihanadaǵy dári-dármek baǵasyn arnaıy top tekserip otyrady

2020 jyldyń 5 shilde 2020 20:55

NUR-SULTAN. QazAqparat - Arnaıy top dárihanadaǵy dári baǵasyn tekseretin bolady. Bul týraly QR Premer-Mınıstriniń orynbasary Eraly Toǵjanov aıtty, dep habarlaıdy QazAqparat tilshisi.

«Halyqty tolǵandyratyn negizgi máseleler az emes. Degenmen, negizgi másele -dári-dármekpen qamtamasyz etý. Qazaqstanda 8 myńnan astam dárihana bar. Otandyq óndiris esebinen olardyń barlyǵyn 30 paıyz deńgeıinde qamtamasyz etip otyrmyz. Qalǵany syrttan ımport esebinen ákelinedi. Sonymen qatar Memleket basshysynyń tapsyrmasyna sáıkes, naryqty qajetti dári-dármekpen qamtamasyz etý úshin Úkimet tarapynan birqatar sharalar qabyldanady. Atap aıtqanda, bir táýlik ishinde dárilik zattardy ákelýge birjolǵy ruqsat berýge ótinim qaralýda. Dári-dármekti sertıfıkattaý jáne sertıfıkat berýdiń jedeldetilgen rásimderi qoldanyldy», - dedi Eraly Toǵjanov Ortalyq kommýnıkatsııalar qyzmetindegi brıfıng barysynda.

Onyń atap ótýinshe, ákimdiktermen birlesip, kóterme saýda qoımalaryndaǵy dári-dármek qory, baǵasy tekserilip, preparat baǵasynyń kóterilýine jol bermeý úshin dárihanalardy aralap tekseretin arnaıy monıtorıng toptary jumys isteıdi.

«Osynyń bárin eskerýimiz kerek. Qyzýdy tómendetetin, antıbakterıaldy, vırýsqa qarsy preparattardy tek emdeýshi dárigerdiń usynysymen ǵana ishý kerek. Óz betińizshe emdelý qaýipti ekenin ózderińiz de estip, bilip otyrǵan shyǵarsyzdar», - dedi ol.

Avtor Marlan Jıembaı
Basty sózder: Oqıǵa, Medıtsına, QR Úkimeti,
Joǵary qaraı