Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Dárihanalarda NaCl eritindisi tapshy: Almaty ákimdigi túsinik berdi

2022 jyldyń 21 qańtar 2022 16:18

ALMATY. QazAqparat - Almaty dárihanalarynda tuzdy eritindi (fızrastvor) tapshylyǵy joq. Bul týraly brıfıng barysynda qala ákiminiń orynbasary Maqsat Qıqymov málim etti, dep habarlaıdy QazAqparat tilshisi.

Onyń aıtýynsha, buqaralyq aqparat quraldarynda Almaty men Nur-Sultandaǵy dárihanalarda tuzdy eritindiniń (natrıı hlorıdtiń sýmen eritindisi) tapshylyǵy týraly aqparat shyqqan.

«Almaty qalasynyń ákimi Baqytjan Ábdiruly búgin qala dárihanalarynda jáne iri farmkompanııalardyń Turaqtandyrý qoryndaǵy qoımalarda fızrastvor men kovıdke qarsy dárilerdiń bar-joǵyn tekserdi. Aıta keteıin, «natrıı hlorıdi» dárilik preparaty (ınfýzııaǵa arnalǵan eritindi) búgingi kúni Turaqtandyrý qorynyń qoımalarynda 200 ml-den 80 myń birlik mólsherinde qory bar, rezerv retinde tómendetilmeıtin qaldyǵy 43,2 myń dana, ónim berýshi «Inkar» JShS kompanııasy», - deıdi Maqsat Qıqymov.

Budan basqa, qalanyń iri ónim berýshileri «Medservıs plıýs» JShS, «Amanat» JShS-nyń qoımalarynda 400 ml-den 17,1 myń birlik kóleminde tuzdy eritindi qory bar.

«Sondaı-aq qaladaǵy eń iri dárihanalar «Ortalyq dárihanada» jáne «Apteka plıýste» 0,9% natrıı hlorıdi eritindisiniń barlyq túrleri jetkilikti mólsherde. «Ot A do ıA», «Farmakom», «Melıssa», «Sadyhan Preımým», «Gaýhar Tas», «Aknıet» sekildi iri dárihana jelileriniń qoımalarynda 61,2 myń birlik fızrastvor bar. Almatyda tuzdy eritindi tapshylyǵy joq», - deıdi ol.

Búgingi kúni megapolıste 975 dárihana shtattyq rejımde jumys istep tur.


Joǵary qaraı