Aýa raıy
Astana -10 °S
Almaty -12 °S
valıýta baǵamy
USD 421.58
EUR 496.83
RUB 5.53
CNY 62.20

Dárihanalardan zańsyz satylǵan 6 myńǵa jýyq psıhotroptyq preparat tárkilendi

2020 jyldyń 23 qarasha 2020 22:09

NUR-SULTAN. QazAqparat - Іshki ister mınıstrligi «Dopıng» jedel aldyn alý is-sharasyn ótkizdi, dep habarlaıdy QazAqparat tilshisi.

Bul sharanyń negizgi mindeti – esirtki, psıhotroptyq nemese ýly zattarmen jumys isteý erejelerin, farmatsevtıkalyq qyzmet erejelerin jáne esirtki aınalymy salasyndaǵy úı-jaılarǵa qoıylatyn talaptardyń saqtalýyn anyqtaý. Reıd barysynda polıtsııa qyzmetkerleri óz qyzmetinde esirtki, psıhotroptyq zattar men prekýrsorlardy paıdalanatyn kásiporyndar men uıymdardy tekserdi.

Esirtki qylmysyna qarsy is-qımyl departamentiniń aqparaty boıynsha, 5 kún ishinde elimizde 78 ákimshilik quqyqbuzýshylyq anyqtalǵan. Olardyń 44-i dárihanalarda dári-dármekti retseptisiz jiberýmen baılanysty bolyp otyr. Quramynda esirtki jáne psıhotroptyq zattar bar medıtsınalyq preparattardyń 6 myńǵa jýyq tabletkasy men ampýlasy tárkilengen.

«Mysaly Aqtóbe oblysyndaǵy bir medıtsınalyq mekemeni tekserý barysynda zańsyz saqtalǵan 90 ampýla morfın men 2500 ampýla fentanıl tárkilendi. Kináli laýazymdy adamdarǵa qatysty qylmystyq is qozǵaldy.

Budan basqa operatsııa kezeńinde esirtkiniń zańsyz aınalymy salasynda 51 qylmys, onyń ishinde 27 ótkizý faktisi, 23 esirtkini asa iri mólsherde saqtaý jáne 1 kontrabanda faktisi anyqtaldy. Máselen, elordalyq esirtkimen kúres polıtseıleri buryn sotty bolǵan 39 jastaǵy jergilikti turǵyndy ustady. Odan 20 kelige jýyq oralǵan jáne satýǵa daıyn gashısh tárkilengen. «Qara naryqta» onyń baǵasy 30 mln teńgeni quraıtyn edi», - dep habarlaıdy mınıstrlikten.

Osyǵa uqsas taǵy bir faktini Qostanaı oblysynyń esirtkige qarsy kúres polıtseıleri anyqtaǵan. Jetiqara qalasynyń turǵyny óz úıiniń edeniniń astynda 500 gr shamasynda geroın saqtaǵan. Tintý barysynda poltseıler esirtkiden basqa, tarazy men qomaqty somany tárkiledi. Aıta keteıik, geroınniń asa iri mólsheri 1 grammdy quraıdy. Al ony saqtaǵany úshin úsh jyldan jeti jylǵa deıin bas bostandyǵynan aıyrý jazasy qarastyrylǵan.

Anyqtalǵan barlyq fakti boıynsha qylmystyq ister qozǵaldy.



Joǵary qaraı