Aýa raıy
Astana -9 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

DDSU: COVID-19 taralýynyń maýsymdyq sıpaty joq

2020 jyldyń 29 shilde 2020 10:44

JENEVA. QazAqparat - Dúnıejúzilik densaýlyq saqtaý uıymy COVID-19 taralýynyń maýsymdyq sıpaty joq jáne aýa raıynyń ózgerýimen de baılanysty emes ekenin aıtty. Vırýstyń taralýyn barlyǵyna belgili qarapaıym ǵana sharalardy qoldanyp qana toqtatýǵa bolady, sonyń biri – áleýmettik qashyqtyqty saqtaý. Bul týraly QazAqparat BUU Jańalyqtar ortalyǵyna silteme jasap habarlaıdy.

«Vırýstyń taralýyna jyl mezgili áser etetinine senýge ázirge negiz joq. Onyń adamdar kóp jınalatyn, fızıkalyq qashyqtyq saqtalmaıtyn jerde taralatyny belgili», - dedi doktor Margaret Harrıs.

DDSU-ǵa kelip túsken málimetterge qaraǵanda, búginde COVID-19 vırýsyn juqtyrýdyń 16 301 736 oqıǵasy rastalyp, odan 650 069 adam kóz jumdy.

Pandemııanyń oshaǵy – Soltústik jáne Ońtústik Amerıka, onda 8,7 mln oqıǵa tirkeldi. Ekinshi orynda Eýropa - 3,2 mln, odan keıin Ońtústik-Shyǵys Azııa (1,8 mln), Shyǵys Jerorta teńizi (1,5 mln), Afrıka - 712 920 jáne Batys Tynyq muhıty aımaǵy 291 993 tur.

Margaret Harrıs Jenevada ótken baspasóz konferentsııasy kezinde COVID-19 vırýsynyń maýsymdyq sıpatqa ıe degen pikirdi joqqa shyǵardy.

«Mysaly, qazirgi kezde jaz mezgili bolyp jatqan AQSh-ta indet órship tur, aýrý juqtyrýdyń eń kóp oqıǵasy sonda tirkelgen», - dedi Harrıs.

Onyń aıtýynsha, qys túsken ońtústik jarty sharda «qyzyq» jaǵdaı qalyptasqan: onda maýsymdyq tumaý emes, COVID juqtyrýdyń joǵary kórsetkishi tirkelgen.

«Sondyqtan, Ońtústik jarty sharda tumaý keshirek bastalady dep oılaımyz. Klımaty birqalypty elderde tumaý vırýsy «maýsymaralyq» jaǵdaıǵa oralǵan», - dedi Harrıs.

Eger elderge bir ýaqytta eki vırýs - COVID-19 jáne tumaýmen kúres júrgizý kerek bolsa,j aǵdaıdyń qalaı qalyptasatynyn boljap aıtý ázirge qıyn. «Respıratorlyq aýrý deńgeıi joǵary jerde ekinshisi tarala bastasa, densaýlyq saqtaý júıesine úlken júkteme túsedi», - dep tolyqtyrdy Margaret Harrıs.


Basty sózder: Álem, Halyqaralyq uıymdar, Medıtsına,
Joǵary qaraı