Aýa raıy
Astana 11 °S
Almaty 12 °S
valıýta baǵamy
USD 421.58
EUR 496.83
RUB 5.53
CNY 62.20

DDSU koronavırýs ınfektsııasyn saralaýdyń jańa kodyn engizdi

2020 jyldyń 17 shilde 2020 16:47

NUR-SULTAN. QazAqparat – Dúnıejúzilik densaýlyq saqtaý uıymy koronavırýs ınfektsııasyn saralaýdyń jańa kodyn engizdi. Bul týraly Dúnıejúzilik densaýlyq saqtaý uıymynyń Eýropalyq aımaqtyq bıýrosynyń dırektory Hans Klıýge aıtty, dep habarlaıdy QazAqparat tilshisi.

«Sońǵy birneshe aıdyń ishinde COVD-19 aýrýy jáne oǵan qarsy kúres boıynsha jańa bilim aldyq. DDSU bul aýrýdy saralaýdyń jańa kodtaryn engizdi. Pnevmonııanyń kúrt óskeni týraly Qazaqstan tarapynan málimet kelip tústi. Onyń biri sol COVID-19 aýrýymen baılanysty. DDSU-nyń referens-zerthanalarynda testileý múmkindigin jasaǵan Qazaqstannyń Densaýlyq saqtaý mınıstrligine alǵysymdy bildirgim keledi. Sonymen qatar, Densaýlyq saqtaý mınıstrligi aýrýdy jańasha saralaýǵa kelisti. Bul qadam COVID-19 aýrýynyń yqtımal jaǵdaılary boıynsha patsıentterdi jetkilikti dárejede saralaýǵa múmkindik beredi. Bul – Eýropalyq aımaqtaǵy jáne álemdegi árbir memleketter aýrýlardy saralaýdyń halyqaralyq talaptaryna saı baǵalap jatqanyn kórsetedi», - dedi Hans Klıýge.

Onyń aıtýynsha árbir aýrýǵa kod belgilenedi.

«Memleketterdiń kóbi osy modelmen júrer degen senimdemin», - dep esepteıdi Hans Klıýge.

Eske sala ketsek Qazaqstanda pnevmonııamen aýyrǵandar KVI juqtyrǵandardyń statıstıkasyna engiziletin boldy. Osylaısha COVID-19 boıynsha jańa statıstıka 1 tamyzdan bastap júrgiziledi.


Joǵary qaraı