Aýa raıy
Astana 3 °S
Almaty 8 °S
valıýta baǵamy
USD 421.58
EUR 496.83
RUB 5.53
CNY 62.20

DDSU koronavırýs jaǵdaıy qaıtadan basynan bastalýy múmkin ekenin eskertti

2020 jyldyń 28 shilde 2020 08:29

NUR-SULTAN. QazAqparat - DDSU ókilderi Jenevada ótken brıfıngte koronavırýs jaǵdaıy qaıtadan basynan bastalýy múmkin ekenin jáne oǵan dálel baryn eskertti. Bul týraly QazAqparat BUU jańalyqtary saıtyna silteme jasap habarlaıdy.

Uıym taratqan málimetke qaraǵanda, álemde koronavırs juqtyrǵandar sany 16 mln-ǵa jetip, odan 640 myńnan astam adam kóz jumdy.

Jalpy jaǵdaı óte kúrdeli: vırýs keı jerde agressııaly túrde taralyp jatsa, keı jerde aýrý juqtyrýdyń jańa oqıǵalar sany óte tómen, epıdemııany jeńgen dep kóringen keıbir elderde jańa oqıǵalar paıda bolýda.

«Birde bir eldiń karantınge qaıtyp oralǵysy kelmeıtini túsinikti. Jáne onyń ekonomıkalyq, ózge de zardaptary jetkilikti. Biraq biz vırýstyń taralýy qalaı júretinin túsinetin bolsaq, oǵan jaýap sharalardy qoldana alamyz. Bul neırohırýrgııadaǵy jaǵdaı sııaqty: mıǵa ota jasalǵanda, hırýrg dárigerler problema jasyrynǵan jerge jetý úshin, mıkroskoptardy qoldanady», - dedi DDSU Tótenshe jaǵdaılar boıynsha atqarýshy dırektory Maık Raıan.

Onyń aıtýynsha, qoldanyp otyrǵan sharalar naqty ári júıeli sıpatta bolýy tıis – eger «nusqaý árbir eki saǵatta ózgerip otyrsa», bul turǵyndar úshin óte aýyr, adamdardy keri áserde qaldyrýy múmkin. DDSU qandaı da bir kezeńde naqty sharalar qoldanyp, olardyń nátıje berýine kóz jetkizý qajettigin usynady.

Ol sondaı-aq, juqtyrý oqıǵalaryn belsendi túrde anyqtap, qadaǵalaý júrgizip otyrǵan jáne «aproblemany jasyrýǵa tyrysyp júrgen» elderge qarsy shyqpaýǵa shaqyrdy.

«Bıliktiń shynaıy jaǵdaıdy jasyrýǵa nemese onyń «jaqsy kórinýi» áreketi áldeqaıda qaýipti. Men elderdiń maǵan shynaıy jaǵdaı týraly baıandap, aýrýdyń órshýin basý úshin sharalar qoldanǵanyn qalaımyn», - dep tolyqtyrdy Raıan.


Joǵary qaraı