Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

DDSU maquldaǵan vaktsınalar kimderge salynady – Erlan Qııasovtyń jańa Qaýlysy

2022 jyldyń 25 qańtar 2022 12:48

NUR-SULTAN. QazAqparat – QR Bas memlekettik sanıtar dárigeri Erlan Qııasovtyń jańa Qaýlysy shyqty. Atalǵan qujatqa sáıkes, Dúnıejúzilik densaýlyq saqtaý uıymy maquldaǵan vaktsınalardy saldyra alatyn el azamattarynyń sanaty naqtylandy, dep habarlaıdy QazAqparat tilshisi.

Sonymen qujatqa sáıkes, jekelegen jaǵdaılarda Qazaqstan Respýblıkasynyń aýmaǵynda KVI-diń paıda bolýy men taralýyna jol bermeý jónindegi vedomstvoaralyq komıssııanyń sheshimi boıynsha Dúnıejúzilik densaýlyq saqtaý uıymy maquldaǵan preparattarmen koronavırýsqa qarsy vaktsınatsııalaýdyń tolyq kýrsyn qaıtadan:

1) Qazaqstan Respýblıkasynyń múddelerin halyqaralyq deńgeıde bildirý maqsatynda shetelge shyǵatyn adamdarǵa;

2) «Bolashaq» halyqaralyq stıpendııasyn ıelenýshilerge jáne úkimetaralyq kelisimder/sharttar, onyń ishinde akademııalyq utqyrlyq sheńberinde shetelge oqýǵa jiberiletin adamdarǵa jáne olardyń otbasy múshelerine QR Bilim jáne ǵylym mınıstrligi usynǵan tizim boıynsha rastaıtyn qujattardy (stýdenttik vıza, oqý ornynan shaqyrý) usynǵan kezde;

3) sheteldik oqý oryndaryna óz betinshe túsken jáne úkimetaralyq kelisimder nemese akademııalyq utqyrlyq sheńberinde oqıtyn stýdentterge jáne Work and travel baǵdarlamasy boıynsha barýdy josparlaǵan stýdentterge jáne olardyń otbasy múshelerine QR Bilim jáne ǵylym mınıstrligi usynǵan tizim boıynsha rastaıtyn qujattardy (stýdenttik vıza, oqý ornynan shaqyrý) usynǵan kezde;

4) Qazaqstan Respýblıkasynan tys jerlerde emdeý qajettiligin rastaıtyn qujattardy usynǵan kezde shetelde emdeýge jiberiletin patsıentterge, sondaı-aq olardy emdeý úshin alyp júretin adamdarǵa júrgizýge jol beriledi.


Joǵary qaraı