Aýa raıy
Astana 16 °S
Almaty 21 °S
valıýta baǵamy
USD 412.55
EUR 468.66
RUB 5.79
CNY 58.80

Demalys kúnderindegi karantın naýqastar sanyn azaıtýǵa yqpal etti –Kólginov

2020 jyldyń 7 shilde 2020 16:16

NUR-SULTAN. QazAqparat – Elordada demalys kúnderine engizilgen eki karantın jedel járdemge habarlasýshylar sanyn azaıtty. Bul týraly Nur-Sultan qalasynyń ákimi Altaı Kólginov aıtyp berdi, dep habarlaıdy QazAqparat tilshisi.

«22-28 maýsym kúnderi Nur-Sultan qalasynyń jedel járdem stansasyna óte kóp adam habarlasty. Buryndary táýligine 2-2,5 myń qońyraý qabyldansa, bul kúnderi 4 300-den astam adam habarlasqan. Demalys kúnderine engizilgen eki karantınnen soń bul sandar aıtarlyqtaı tómendedi. Qazir de úshinshi táýlik karantın rejıminde jumys istep jatyrmyz, jedel járdem stansasyna habarlasýshylar sany azaıyp, qaıtadan 2 090 qońyraýǵa deıin tústi. Biz azamattardyń jaǵdaıdy sanaly túrde túsingenin kórip otyrmyz. Bul ózińiz ben jaqyndaryńyzdyń densaýlyǵyn saqtaýǵa, dárigerlerdiń júktemesin azaıtýǵa septigin tıgizedi», - dedi qala ákimi Ortalyq kommýnıkatsııalar qyzmetinde ótken brıfıngide .

Ákimniń aıtýynsha, jedel járdem stansalarynda 110 brıgada bolsa, qazir olardyń sany 150-ge jetken.

Aıta keteıik, Nur-Sultanda koronavırýs ınfektsııasyn juqtyrǵan 61 adam qaıtys boldy.

Sonymen birge, elorda aýrýhanalaryna 200 ókpe jeldetý apparatyna tapsyrys berildi.



Joǵary qaraı