Aýa raıy
Astana -14 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Dene bitimi múldem uqsamaıdy: Qonaevtyń jıeni eskertkishke qatysty pikir bildirdi

2020 jyldyń 21 qazan 2020 23:30

TALDYQORǴAN. QazAqparat - Memleket qaıratkeri Dinmuhamed Qonaevtyń eskertkishine jıeni Janar Muqajanova óz oıyn bildirdi, dep habarlaıdy QazAqparat tilshisi

«Bul qaıdan kelgen músinshi dep qaldyq. Eń bolmaǵanda týystarynan ruqsat suramaı ma? Aqyldaspaı ma? Meniń oıymsha múldem alyp tastap, basqasha qoıý kerek», - deıdi D. Qonaevtyń jıeni Janar Muqajanova.

Esterińizge sala keteıik, Almaty oblysynyń Baqanas aýylynda memleket qaıratkeri Dinmuhamed Qonaevqa eskertkish qoıyldy. Alaıda bul músin kópshiliktiń narazylyǵyn týǵyzdy. Halyqtyń aıtýynsha, eskertkishtiń pishini men kólemi saı emes.

«Bul - qazaq eliniń qalyptasýyna qomaqty úles qosqan saıasatkerdi keleke etý» deıdi týystary. Zańǵar tulǵanyń týǵan óńirinde tas músinniń tuǵyrǵa qoıylǵan sáti áleýmettik jelide de qyzý talqylanyp jatyr.




Salmaǵy 14 tonna tas músindi tuǵyryna qondyryp halyqtyń súıinshileı bastaǵany sol-aq edi, eskertkish eldiń qatań synyna ushyrady.

Birden aıtý kerek. Eskertkishke bıýdjetten qarjy bólingen joq. Aýyzbirlik tanytqan halyqtyń yqylasy. Alaıda qoǵamdyq qor jergilikti bılikpen kelispeı tuǵyrǵa qondyrǵan.

«Áleýmettik jelige shyqqan eskertkish sýretteri men bizge usynylǵan eskız jobadaǵy sýretterdiń aıyrmashylyǵy anyqtalyp, arnaıy jumysshy top qurylyp, Balqash aýdany Baqanas aýylyna issaparǵa jiberildi», - deıdi Almaty oblystyq mádenıet basqarmasy basshysynyń orynbasary Álııa Jaqypbekova.

Synǵa ushyraǵan eskertkish saltanatty túrde ashylyp úlgergen joq. Tuǵyrynan alynatyn boldy.

Jalpy zań boıynsha mádenıet jáne sport mınıstrliginiń arnaıy kelisimi shyqpaı, óz erkimen eskertkish qoıýǵa ruqsat joq.





Avtor Samal Qabysheva
Basty sózder: Oqıǵa, Almaty oblysy,
Joǵary qaraı