Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Densaýlyq saqtaý menedjerlerin sertıfıkattaý qolǵa alynady

2021 jyldyń 23 maýsym 2021 15:11

NUR-SULTAN. QazAqparat - Densaýlyq saqtaý salasyndaǵy mendjerlerdiń qyzmetine sáıkestigin tekseretin arnaıy qaýymdastyq quryldy, dep habarlaıdy QazAqparat.

Nur-Sultan qalasynda «Qazaqstan densaýlyq saqtaý menedjerleriniń qaýymdastyǵy» respýblıkalyq qoǵamdyq birlestigin tanystyrý sharasy ótti.

Atalmysh uıym saladaǵy menedjerlerdiń laýazymyna sáıkestigin anyqtap, kezeń-kezeńmen biliktilik arttyrý kýrstaryn uıymdastyrýǵa mindet alyp otyr.

«Bizdegi medıtsına menedjmentine jetpeı turǵan daǵdylardyń biri – kommýnıkatsııa. Kommýnıkatsııa - eldiń aldynda erkin sóıleı bilý ǵana emes, qoǵammen jumys isteı bilý, olarmen ashyq qarym-qatynas ornatý, olardyń talap-tilekterine qulaq túrip, usynysy-pikirlerin eskerý», - deıdi qaýymdastyqtyń keńes tóraǵasy Qýanysh Eralıev.




Qaýymdastyq ókili BAQ ókilderine bergen suhbatynda uıym jumys isteıtin úsh negizgi baǵytty atady.

«Negizgi baǵytymyz – densaýlyq saqtaý salasyndaǵy menedjerlerdiń qyzmetine sáıkestigin tekserip, sertıfıkattaý. Sertıfıkat alý úshin qyzmetine saı bolýy negizgi sharttardyń biri. Ekinshi baǵytymyz – biliktilikti kóterýge arnalǵan kýrstar ótkizý. Ondaı sharalar oflaın da, onlaın da formatta uıymdastyrylýy múmkin. Úshinshi baǵytymyz – saladaǵy mamandardyń bir-birimen aralasyp, tájirıbe almasýyna jaǵdaı jasaý», - dedi Qýanysh Eralıev.









Joǵary qaraı