Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Depozıtterge kepildik berý qorynyń rezerv kólemi 1,6%-ǵa ulǵaıdy

2022 jyldyń 18 mamyr 2022 14:32

NUR-SULTAN. QazAqparat – Qazaqstannyń depozıtterge kepildik berý qorynyń arnaıy rezervinde jınaqtalǵan qarajattyń kólemi jyl basynan beri 1,6%-ǵa ulǵaıyp, shamamen 864 mlrd teńge boldy. Ótken jyldyń sáıkes kezeńimen salystyrǵanda 6,6% ósken. Bul týraly QDKBQ Ádisnama jáne taldaý basqarmasy basshysynyń orynbasary Rýzalııa Gılmýdınova málimdedi, dep habarlaıdy QazAqparat.

1 mamyrdaǵy kórsetkish boıynsha QDKBQ arnaıy rezervinde qatysýshy bankterdiń jarnalarynyń úlesi 377,1 mlrd teńgege jetti. Qordyń jarǵylyq kapıtalynyń 70%-yn qosqanda, arnaıy rezervtiń jıyntyq kólemi turǵyndar depozıtteriniń 6,6%-yna teń.

«Qazirgi ýaqytta arnaıy rezervtiń kólemi zańnamada belgilengen 5%-dyq deńgeıden joǵary jáne salymshylardyń shottarynyń 99,8%-yn tolyq kólemde qamtı alady. Eger shet memleketterdiń depozıtterdi saqtandyrý qorlaryndaǵy qarajat deńgeıimen salystyrar bolsaq, Qordyń arnaıy rezerviniń kólemi jetkilikti deńgeıde jáne álemdik praktıkaǵa sáıkes keledi», - dedi Rýzalııa Gılmýdınova.

Qordyń arnaıy rezerviniń qarajaty depozıtter boıynsha kepildik berilgen ótemdi tóleýge arnalǵan.

«Eger qatysýshy bank barlyq bank operatsııalaryn júrgizý lıtsenzııasynan aıyrylar bolsa, onyń salymshylaryna kepildi ótem osy arnaıy rezerv esebinen tólenedi. Qazirgi ýaqytta arnaıy rezerv 20 qatysýshy banktiń jarnalary esebinen qalyptasady», - dedi Qor taldaýshysy.

Bankterdiń jarnalarynan basqa, arnaıy rezervti qalyptastyrýdyń negizgi kózderiniń biri – ınvestıtsııalyq tabys. Ol Qordyń arnaıy rezervi men menshikti aktıvterin ınvestıtsııalaýdan túsedi.

Kepildik berilgen ótemdi qamtamasyz etý úshin qosymsha retinde Qordyń jarǵylyq kapıtalynyń 70%-ǵa deıingi mólsheri paıdalanylýy múmkin.

«Osylaısha, qalyptasqan rezerv Qorǵa ıslam bankterin qospaǵanda, Qazaqstannyń depozıtterge kepildik berý júıesine (DKJ) qatysýshy bankterdiń salymshylarynyń depozıtterin kepildendirýge múmkindik beredi. Salymshylar DKJ qatysýshy bankterdiń tizimimen Qor saıtynda tolyǵyraq tanysa alady. Qor qarajatynyń turaqty ósimi DKJ senimdiligin rastaı túsedi», - dedi Rýzalııa Gılmýdınova.

Budan basqa, QR zańnamasynda rezervtik qarjylandyrý boıynsha qatysýshy bankterdiń qosymsha jarnalary sekildi kómekshi sharalar qarastyrylǵan.

Aıta keteıik, Ulttyq bank BATYR BEINESI kollektsııalyq monetalaryn aınalymǵa shyǵarady.


Basty sózder: Bankter, Qarjy,
Joǵary qaraı