Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Depýtat mádenı qundylyqtardy nasıhattaý jumystaryn kúsheıtýge qatysty usynystar aıtty

2021 jyldyń 23 maýsym 2021 12:00

NUR-SULTAN. QazAqparat – Búgin Parlament Májilisiniń jalpy otyrysynda depýtat Fahrıddın Qarataev elimizdiń mádenı qundylyqtary men salt-dástúrlerin nasıhattaýǵa baǵyttalǵan jumystardy kúsheıtýge qatysty usynystar aıtty, dep habarlaıdy QazAqparat tilshisi.

«Óıtkeni Qazaqstan Táýelsizdiginiń 30 jyldyǵyn úlgi tutyp atap ótý úlken mártebege ıe. Bul ótken jolymyzǵa jáne eldik jetistikterimizge esep beretin shaqta turmyz. Elimizdiń 30 jyl ishinde ishki jáne syrtqy saıasattaǵy, ekonomıkadaǵy ári áleýmettik-mádenı saladaǵy qol jetkizgen tabystary aıryqsha! Sonymen qatar, Prezıdent mereıtoı kezinde birinshi kezekte óskeleń urpaqqa baǵyttalǵan is-sharalardy, sondaı-aq basqa da birqatar mańyzdy mindetterdi júktedi. Memlekettik organdar osy baǵytta jumystar júrgizýde. Degenmen, júrgizilip jatqan jumystardyń qarqynyn kúsheıtip, ıdologııalyq turǵyda jumystar júrgizý qajet», - dedi F. Qarataev Premer-Mınıstrdiń orynbasary Eraly Toǵjanovtyń atyna joldaǵan saýalynda.

Osyǵan baılanysty depýtattyq korpýs bul máseleni qarastyrý jáne paıdalaný úshin birqatar usynystardy alǵa tartty, onyń ishinde:

1. Aýyldyq okrýgterdiń, aýdandar men oblystardyń ákimderi ıdeologııalyq turǵyda tarıhı murany, sondaı-aq Qazaqstan táýelsizdiginiń jetistikterin buqaralyq aqparat quraldary, ınternet jáne áleýmettik jeliler arqyly nasıhattaý jóninde neǵurlym keń aýqymdy jumys júrgizýi qajet.

2. Qazaqstan – daryndy jastar mekeni. Erteńgi bolashaǵymyz osy jastar býynynda. Elimizdiń bilim oshaqtaryndaǵy jastarǵa baǵyt-baǵdar berýine basymdyq berilip, Táýelsizdiktiń qadir-qasıetin únemi nasıhattaý kerek. Sondyqtan da, memlekettik til – qazaq tiline basa nazar aýdarylsa nur ústine nur bolary anyq. Bul – patrıotızmdi damytýdyń birden bir joly.

3. Tıisti memlekettik organdardyń halyqtyń muń-muqtajyn tyńdap, halyqpen jumys isteý tásili taǵy da nyǵaıtylǵany jón.

«Qazaqstan halqy Assambleıasynyń qyzmeti barysynda 26 jyl boıy qol jetkizilgen jumystardyń nátıjelerin kórsetý de asa mańyzdy. Osyǵan baılanysty halyqaralyq yntymaqtastyqty nyǵaıtý jáne mádenı qatynastardy damytýǵa, Qazaqstan halqynyń mádenı qundylyqtary men salt-dástúrlerin nasıhattaýǵa baǵyttalǵan bastamalardy birlesip iske asyrýdy usynamyz», - dedi Fahrıddın Qarataev.


Joǵary qaraı