Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Depýtat Sberbankpen tsıfrlyq úkimet platformasyn qurý týraly kelisimge alańdaýshylyq tanytty

2021 jyldyń 15 qyrkúıek 2021 13:53

NUR-SULTAN. QazAqparat – HHІ aqparat ǵasyrynda IT qaýipsizdigi - elimizdiń táýelsizdiginiń mańyzdy faktory. Bul týraly Májilis depýtaty Maqsat Ramanqulov aıtty, dep habarlaıdy QazAqparat tilshisi.

«Qazaqstan Úkimetiniń Reseı Sberbankimen tsıfrlyq úkimet platformasyn qurý týraly kelisimi qoǵamda úlken daý týdyrdy. «Aq jol» demokratııalyq partııasynyń fraktsııasy ótken jyldary jekelegen mınıstrlikterdiń, jalpy alǵanda tsıfrlyq damý máselesiniń aqparattyq júıeler jumysyndaǵy sátsizdikterin birneshe ret synǵa alǵan edi. Qoldanystaǵy platformalardyń qabiletsizdigi, ásirese ótken jyldyń kókteminde pandemııa bastalǵan soń densaýlyq saqtaý, áleýmettik qamsyzdandyrý, bilim berý, salyq salý, aýyl sharýashylyǵy jáne basqa da kóptegen elektrondyq qyzmetterdiń kemshilikteri aıqyn boldy. Sol kezdiń ózinde memlekettiń jyldar boıy tsıfrlandyrýǵa bólingen mıllıardtaǵan qarjynyń tıimsiz paıdalanylýy anyqtaldy. Memlekettik organdar men jaýapty tulǵalardyń jaǵdaıdy túzetý boıynsha jasaǵan áreketteri tıisti nátıje bermedi. Tipti, platformalardyń odan ári alystaýyna, ony azamattar men bıznestiń paıdalanýynyń kúrdelenýine alyp keldi», - dedi búgin Májilistiń jalpy otyrysynda QR Premer-Mınıstri Asqar Mamınge depýtattyq saýal joldaǵan Maqsat Ramanqulov.

Onyń atap ótýinshe, qazirgi zamanaýı tehnologııalar men jańa álemdik jaǵdaılardy eskere otyryp, Qazaqstan úshin memlekettik qyzmetterdi tsıfrlyq damytýda artta qalý problemasy jyl ótken saıyn ótkir bolyp tur.

Sondyqtan barlyq memlekettik organdardyń IT júıelerin biryńǵaı platformaǵa keltirý, zamanǵa saı jańǵyrtý qajettigi shynymen de júıeli problemaǵa aınaldy.

«Degenmen, birqatar máseleler ashyq kúıinde qalyp otyr. Birinshiden, atalǵan kelisimdi ótken jyldary tsıfrlandyrý baǵdarlamalaryna bıýdjetten bólingen qarjynyń tıimsiz jumsalǵanyn moıyndaý dep baǵalaýǵa bola ma? Eger solaı bolsa, onda ótken jyldary memlekettiń naqty qansha qarjysy memlekettik qyzmet kórsetýdi tsıfrlandyrýǵa jumsaldy jáne onyń tıimsiz jumsalǵany úshin jaýapkershilik kimniń moınynda? Ekinshiden, osy kelisimdi daıyndaý kezinde otandyq nemese eń myqty halyqaralyq IT-kompanııalardyń múmkindikteri eskerildi me? Ony daıyndaý barysy ashyqtyq pen adal básekelestikke qanshalyqty saı boldy? Úshinshiden. kelisimdi iske asyrý barysynda aqparattyq qaýipsizdik múddeleri qalaı qorǵalady?», - dep saýal qoıady Májilis depýtaty.

Sonymen qatar ol baspasózde jarııalanǵan Tsıfrlyq damý jáne aeroǵarysh ónerkásibi mınıstriniń túsindirmeleri jurtshylyqty qanaǵattandyrmaıtyndyǵyn, kerisinshe odan da kóp suraqtar týyndatqanyn alǵa tartady.

«Onyń sebebi - serverlerdi Qazaqstanda ornalastyrýda ǵana emes, olarda saqtalatyn aqparatqa bóten tulǵalardyń qoljetimdiligin shekteýdiń tehnologııalyq múmkindigi bar ma degen másele. HHІ aqparat ǵasyrynda IT qaýipsizdigi - el táýelsizdiginiń mańyzdy faktory dep sanaımyz»,- dedi ol.


Joǵary qaraı