Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Depýtattar avtokólikterdiń mindetti tehnıkalyq baıqaýyn alyp tastaýdy usyndy

2022 jyldyń 19 qańtar 2022 13:47

NUR-SULTAN. QazAqparat – Avtokólikti tehnıkalyq baıqaýdan ótkizý rásimi formaldy túrde atqarylyp, sybaılas jemqorlyqqa aınalyp otyr. Bul týraly Májilistiń jalpy otyrysynda depýtat Aıqyn Qońyrov aıtty, dep habarlaıdy QazAqparat tilshisi.

Qazirgi qoǵamda memleket qabyldanǵan sheshimder men jasalǵan is-áreket úshin jeke jaýapkershilik saıasatyn belsendi júrgizip jatyr. Azamattardyń, bıznestiń jáne memleket qyzmetiniń túrli baǵyttary boıynsha azamattyq-quqyqtyq jaýapkershilikti saqtandyrý ınstıtýty qalyptasýda.

«Qazaqstan Halyq partııasy» fraktsııasy Úkimettiń nazaryn azamattardyń jeke múlkiniń qaýipsizdigine qatysty jaýapkershiligin baqylaýdyń qoldanystaǵy tetigine aýdarady. Atap aıtqanda, jeke tulǵalardyń jeke maqsattary úshin paıdalanylatyn kólik quralyn mindetti tehnıkalyq baıqaýdan ótkizýdi talap etý týraly másele kóterilip otyr. 2021 jylǵy 1 qarashadaǵy jaǵdaı boıynsha, Qazaqstanda jyl saıynǵy tehnıkalyq baıqaýdan ótýge mindetti 2,7 mln kólik quraly (jalpy kólik sanynyń 72%) bar. Avtokólik ıeleriniń basym bóligi zańǵa baǵynatyn azamattar. Olar 2-5 myń teńge aralyǵynda tıisti tólemdi tóleıdi jáne tehnıkalyq baıqaýdan ótkeni týraly akt alady», - dep toqtaldy A. Qońyrov.

Onyń aıtýynsha, osy salanyń básekeli ortaǵa berilgenine jáne tehnıkalyq baıqaý ótkizetin jeke stantsııalar jelisiniń qurylǵanyna qaramastan, tehnıkalyq baıqaýdan ótý rásimi formaldy túrde atqarylyp, sybaılas jemqorlyqqa aınalyp otyr.

«2021 jyly Kólik komıtetiniń qyzmetkerleri qurǵan uıymdasqan qylmystyq toptyń (UQT) joly kesildi. 2017-2021 jyldar aralyǵynda UQT naqty tehnıkalyq baıqaýsyz 260 myńnan astam dıagnostıkalyq karta jasaǵan. Bul isti el boıynsha jalǵan tulǵalarǵa tek «qaǵaz júzinde» rásimdelgen 28 kompanııa júzege asyrǵan. Tirkelgen mekenjaılarda tehnıkalyq baıqaý ortalyqtary, qoldanystaǵy zańnamaǵa sáıkes, qajetti tehnıkalyq jabdyq, tehnıkalyq baıqaý ótkizetin jer jáne maman bolmaǵan.

«Tehnıkalyq baıqaý formaldy sharaǵa aınalyp, sybaılas jemqorlyq táýekelin týǵyzǵan jáne kólik quraly ıesi men jol qozǵalysynyń basqa qatysýshylarynyń qaýipsizdigin qamtamasyz etýge yqpal etpegen. «Qazaqstan Halyq partııasy» fraktsııasy elimizdegi avtobýstardan, júk kólikterinen jáne taksı retinde kommertsııalyq maqsatta paıdalanylatyn kólik quraldarynan basqa avtokólikterdiń mindetti tehnıkalyq baıqaýyn jáne kólik ıelerin ákimshilik jaýapkershilikke tartýdy alyp tastaý oryndy dep sanaıdy», - dedi A. Qońyrov.


Joǵary qaraı