Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Depýtattar tez arada Pfizer-di aqyly negizde usynýdy surady

2022 jyldyń 12 qańtar 2022 12:57

NUR-SULTAN. QazAqparat – Májilistegi «Aq jol» fraktsııasynyń depýtattary halyqaralyq deńgeıde moıyndalǵan vaktsınalarmen halyqty qajetti kólemde qamtamasyz etý máselesin kóterdi, dep habarlaıdy QazAqparat tilshisi.

Depýtat Ǵanı Hamzın osyǵan deıin «Aq jol» fraktsııasy etelge saparmen shyǵýdy josparlap júrgen stýdentter, bıznesmender men basqa da azamattar úshin halyqaralyq deńgeıde moıyndalǵan vaktsınalardy, onyń arasynda Pfizer-di aqyly negizde usyný máselesin kótergenin eske saldy.

«Qazirgi kezde Qazaqstanda Spýtnık-V, Qazvac pen Sinopharm barsha halyq úshin, al Pfizer adamdardyń keıbir sanattary na qoljetimdi. Olardyń arasynda Sinopharm men Pfizer Dúnıejúzilik densaýlyq saqtaý uıymy tarapynan moıyndalǵan. 16 qarashada aqyly negizde óz erki boıynsha Qazaqstan halqyn vaktsınalaý úshin Comirnaty Pfizer-di kommertsııalyq naryqta COVID-19-ǵa qarsy ekpe retinde ótkizý týraly Úkimettiń qaýly jobasyna qoldaý jasaldy. Alaıda osy preparatpen aqyly negizde vaktsınalaý áli kúnge deıin bastalmady», - dedi depýtat Densaýlyq saqtaý mınıstri Ajar Ǵınııattyń atyna joldaǵan saýalynda.

Sonymen qatar ol qazirgi kezde Sinopharm vaktsınasynyń birqatar aýrýhanalarda tapshylyǵy baıqalyp otyrǵany jaıly aqparat túsip jatqanyn aıtty.

«Aqyly negizde jasalatyn Pfizer-di barsha el kútip otyr. Bul turǵyda revaktsınalaýǵa nıetti turǵyndardy da eskerý kerek. Adamdardyń kóbisinde Pfizer vaktsınasyn aqsha tóletip saldyrýǵa múmkindigi bar, alaıda aqyly negizde osy ekpeni saldyrý qashan bastalatyny belgisiz. Osy oraıda Pfizer-di aqyly negizde saldyrýdyń naqty datasy eshbir jerde jarııalanbaǵan. Bul óz kezeginde adamdardyń josparyn buzyp otyr», - dedi ol.

Bul turǵyda «Aq jol» depýtattyq fraktsııasy tıisti usynystar jasady:

1. Shetelge shyǵatyn «Bolashaq» baǵdarlamasynyń stıpendıattaryn, kásipkerlerdi jáne basqa da azamattardy qajet bolǵan jaǵdaıda aqyly negizde tez arada halyqaralyq moıyndalǵan preparattarmen vaktsınalaýdy bastaý kerek.

2. Dúnıejúzilik densaýlyq saqtaý uıymy moıyndaǵan vaktsınalardyń kerek kólemin azamattardyń barlyq sanaty úshin qamtamasyz etý kerek.

3. Pfizer preparatymen aqyly negizde vaktsınalaýdyń naqty datasy jarııalanýy tıis.

4. Otandyq QazVac preparatyn Dúnıejúzilik densaýlyq saqtaý uıymy jáne álemniń jetekshi elderiniń farmatsevtıkalyq ákimshilikteri halyqaralyq deńgeıde taný úshin qabyldanyp jatqan sharalar týraly habarlaý.


Joǵary qaraı